रेडमी कंपनीचा नवीन रेडमी टर्बो 5 हा स्मार्टफोन तीन रंगांच्या पर्यायांमध्ये लाँच करण्यात आला आहे. मीडियाटेक डायमेन्सिटी 8000 सिरीजच्या ऑक्टा-कोर प्रोसेसरवर चालणाऱ्या या फोनमध्ये पॉवरफूल 7540mAh बॅटरी, 50-मेगापिक्सलचा ड्युअल रियर कॅमेरा सेटअप, 1.5K AMOLED डिस्प्ले आणि 120Hz रिफ्रेश रेट आहे. चला तर मग भारतात लाँच झालेल्या रेडमी टर्बो 5 ची किंमत किती आहे ते जाणून घेऊयात.
भारतात रेडमी टर्बो 5 ची किंमत
हा नवीन रेडमी स्मार्टफोन दोन व्हेरिएंटमध्ये लाँच करण्यात आला आहे. यामध्ये 8GB रॅम आणि 256GB व्हेरिएंटची किंमत 37 हजार 999 रूपये आहे. तर 12GB रॅम आणि 256GB स्टोरेज असलेल्या टॉप व्हेरिएंटची किंमत 40 हजार 999 रूपये आहे. याशिवाय तुम्ही हा फोन खरेदी करताना SBI, ICICI आणि Axis Bank कार्ड वापरून पेमेंट केल्यास 2,000 रूपयांपर्यंतच्या सवलतीचा लाभ मिळेल, ज्यामुळे 8GB व्हेरिएंट 35 हजार 999 रूपयांमध्ये आणि 12GB व्हेरिएंट 38 हजार 999 रूपयांमध्ये उपलब्ध होईल. या फोनची विक्री 19 जूनपासून Mi.com, Amazon आणि ऑफलाइन रिटेल स्टोअर्सवर सुरू होईल.
रेडमी टर्बो 5 ची वैशिष्ट्ये
ओएस: हा ड्युअल-सिम फोन अँड्रॉइड 16 वर आधारित हायपरओएस 3 वर चालतो. कंपनी चार वर्षांचे ओएस अपग्रेड आणि सहा वर्षांचे सुरक्षा अपडेट्स देण्याचे आश्वासन देते.
डिस्प्ले: या रेडमी फोनमध्ये 120Hz रिफ्रेश रेट सपोर्टसह 1.5K रिझोल्यूशनची स्क्रीन आहे. 6.59-इंचाचा 12-बिट AMOLED डिस्प्ले असलेल्या या फोनमध्ये 3500 निट्सची पीक ब्राइटनेस, 2560Hz टच सॅम्पलिंग रेट आणि स्क्रीनच्या संरक्षणासाठी कॉर्निंग गोरिला ग्लास 7i आहे.
प्रोसेसर: तुम्हाला हा फोन मीडियाटेक डायमेन्सिटी 8500 अल्ट्रा प्रोसेसरसह मिळेल.
रॅम: या फोनमध्ये 8 जीबी आणि 12 जीबी असे दोन रॅम पर्याय आहेत, पण या फोनमध्ये 12 जीबी व्हर्च्युअल रॅम देखील आहे.
कॅमेरा: या फोनमध्ये मागील बाजूस 50-मेगापिक्सलचा प्रायमरी सेन्सर आणि 8-मेगापिक्सलचा अल्ट्रा-वाइड-अँगल सेन्सर आहे. सेल्फीसाठी 20-मेगापिक्सलचा फ्रंट कॅमेरादेखील उपलब्ध आहे.
बॅटरी: यामध्ये 7540mAh क्षमतेची बॅटरी देण्यात आली आहे, हा फोन 100W फास्ट चार्जिंग सपोर्टसह उपलब्ध असेल.
