मुंबईः 'बाला', 'ड्रिम गर्ल' यांसारख्या चित्रपटात हटके भूमिका साकारणारा अभिनेता पुन्हा एकदा आव्हानात्मक भूमिका साकारण्यासाठी सज्ज झाला आहे. '' या चित्रपटात यांच्यासोबत आयुषमान खुराना झळकणार आहे. सोशल मीडियावर आयुषमान आणि अमिताभ यांचा एक फोटो व्हायरल झाला आहे. साधा पेहराव, हातात एक साधी बॅग, चेहऱ्यावर गोंधळलेले भाव अशा लूकमध्ये आयुषमान दिसत आहे. चित्रपट व्यापार विश्लेषक तरण आदर्श यांनी 'गुलाबो सिताबो'तील आयुषमान आणि अमिताभ बच्चन यांचा लूक शेअर करत, गुलाबो सिताबो चित्रपटाची नवीन रिलीज डेट जाहीर केली. २८ फेब्रुवारीला हा सिनेमा प्रेक्षकांच्या भेटीला येतोय. चित्रपटात अमिताभ हे घरमालकाच्या भूमिकेत दिसणार असून आयुषमान खुराना त्यांचा भाडेकरू असणार आहे. शूजीत सरकार या चित्रपटाचं दिग्दर्शन करणार आहेत. अमिताभ आणि दिग्दर्शक शुजित सरकार यांनी यापूर्वी 'पिकू' या चित्रपटात एकत्र काम केले होते. वाचाः आयुषमान आणि अमिताभ पहिल्यांदाच चित्रपटात एकत्र काम करणार आहेत. त्यामुळं या दोघांनाही मोठ्या पडद्यावर पाहण्यासाठी चाहते उत्सुक आहेत. आयुषमानही बीग बींसोबत काम करण्यास उत्सुक असल्याचं बोललं जातं आहे. त्यानं या भूमिकेसाठी फार मेहनतही घेतली आहे. सध्या लखनऊ येथे चित्रपटाचं चित्रीकरण सुरू आहे. वाचाः यापूर्वी 'गुलाबो सिताबो'तील अमिताभ बच्चन यांचा लूक समोर आला होता. या लूकमध्ये अमिताभ मोठी दाढी आणि चष्म्यासह एकदम वेगळ्याच अंदाजात दिसत आहेत. चित्रपटातील लूकसाठी प्रोस्थेटिक मेकअपची मदत घेण्यात आली आहे. मध्यंतरी, अमिताभ यांनी प्रोस्थेटिक मेकअपच्या या कौशल्यावर चिंता व्यक्त केली होती. प्रोस्थेटिक मेकअपमुळं होणारा त्रास त्यांनी ब्लॉगमधून मांडला होता.
