मुंबई टाइम्स टीम 'द डर्टी पिक्चर' या चित्रपटानंतर आणखी दोन चरित्रपटांमध्ये दिसणार आहे. त्यातला एक दिवंगत यांच्यावर, तर दुसरा मानवी संगणक म्हणून ओळखल्या जाणाऱ्या शकुंतला देवी यांच्यावर बेतलेला आहे. विद्यानं नुकतंच या दोन्ही कलाकृतींसाठी काम करायला सुरुवात केली. त्याबाबत बोलताना विद्यानं तिचं हे मत मांडलं. विद्या म्हणते, 'आपल्या सभोवती झालेल्या किंवा असणाऱ्या लोकांच्या भूमिका करणं सोपं नाही. ज्या व्यक्ती लोकप्रिय आहेत त्यांच्यावर अशा कलाकृती करणं अवघडच आहे. मात्र, या माध्यमातून निर्माता-दिग्दर्शकाला जी कथा सांगायची आहे, ती मला महत्त्वाची वाटते. तो योग्य पद्धतीनं बनवला गेला, तर अशा प्रोजेक्टमध्ये काम करायला आवडतं. या व्यक्ती शोधण्यासाठी तुम्ही जो अभ्यास करता मला तो महत्त्वाचा वाटतो. या अभ्यासातून तुम्हालाही त्या भूमिकेचे पैलू समजून घेता येतात. शकुंतला देवी यांचं उदाहरण द्यायचं, तर त्या फक्त हुशार नाहीत, त्यांच्या स्वभावाला एक छान गमतीदार पैलू आहे. त्या विनोदी स्वभावाच्या होत्या. हा चित्रपट करताना ती बाजूही समोर येईल.'
