सातारा: संपूर्ण महाराष्ट्राचे लक्ष लागून राहिलेल्या सातारा लोकसभा मतदारसंघातील पोटनिवडणुकीत भाजपला मोठा धक्का बसला आहे. ऐन निवडणुकीच्या आधी खासदारकीचा राजीनामा देऊन राष्ट्रवादीला रामराम ठोकणारे तब्बल १० हजार मतांनी पीछाडीवर आहेत. राष्ट्रवादी काँग्रेसचे अध्यक्ष शरद पवार यांच्या झंझावाती प्रचाराचा फटका उदयनराजेंना बसल्याचं बोललं जात आहे. विधानसभा निवडणुकीच्या पूर्वी काँग्रेस-राष्ट्रवादीचे अनेक आमदार पक्ष सोडून गेल्यानंतर उदयनराजे यांनीही भाजपमध्ये उडी मारली होती. त्यासाठी लोकसभा निवडणुकीनंतर अवघ्या तीनच महिन्यात त्यांनी खासदारकीचा राजीनामा दिला होता. भाजपनं दिल्लीत मोठा इव्हेंट घडवून उदयन यांचा भाजप प्रवेश सोहळा घडवून आणला होता. खुद्द पंतप्रधान नरेंद्र मोदी यांनी उदयन यांच्यासाठी साताऱ्यात सभा घेतली होती. मात्र, या कशाचाही फायदा उदयन यांना झाला नसल्याचं दिसत आहे. ते पीछाडीवर गेले आहेत. शरद पवारांचे खंदे समर्थक व साताऱ्याचे माजी आमदार हे त्यांना जोरदार लढत देत असल्याचं दिसत आहे. उच्चशिक्षित असलेल्या श्रीनिवास पाटील यांच्याबाबत मतदारांमध्ये आपुलकीची भावना आहे. पवारांना मानणाऱ्या साताऱ्यातील मतदारांनी त्यांना साथ दिल्याचं दिसत आहे. अर्थात, मतमोजणीच्या अनेक फेऱ्या अद्याप बाकी असल्यानं अंतिम निकालाची वाट पाहावी लागणार आहे.
