बीडः परळीतील राष्ट्रवादी काँग्रेसचे उमेदवार आणि विधान परिषदेतील विरोधी पक्षनेते आघाडीवर आहेत. त्यांची चुलत बहीण आणि भाजपच्या उमेदवर पंकजा मुंडे यांना त्यांनी मागे टाकलंय. धनंजय मुंडे यांनी मतमोजणीत ६ हजार मतांची मोठी आघाडी घेतलीय. परळीतील निवडणूक बहीण- भावाने प्रतिष्ठेची केलीय. भाजपचे दिवंगत नेते आणि वडील गोपीनाथ मुंडे यांचा राजकीय वारसा चालवणाऱ्या पंकजांची राजकीय प्रतिष्ठ पणाला लागलीय आहे. तर दुसरीकडे राष्ट्रवादीत आपला दबदबा निर्माण केलेल आणि विधानपरिषेदेचे विरोधी पक्षनेते धनंजय मुंडे यांचीही प्रतिष्ठ पणाला लागलीय. निवडणुकीत प्रचाराच्या अखेरच्या टप्प्यात या बहीण-भावांनी मतदारांना भावनीक आवाहन केलं. यामुळे या निवडणुकीकडे सर्वांचं लक्ष लागलंय. बहीण-भावात कोण बाजी मारणार याची फक्त परळीकरांनाच नव्हे संपूर्ण राज्याला उत्सुकता लागलीय.
