मुंबई: बी टाऊनमधील सतत चर्चा असणाऱ्या कपलपैकी एक महत्त्वाची जोडी म्हणजे अभिनेता सैफ अली खान आणि अभिनेत्री करिना कपूर... सैफ आणि करिनाच्या फोटोंची जितकी चर्चा होते, त्यापेक्षा अधिक चर्चेत असतो त्यांचा मुलगा तैमूर... अलीकडेच या तिघांचे फोटो पुन्हा एकदा सोशल मीडियावर व्हायरल झाले आहेत. करिना कपूर आणि सैफ अली खान यांच्या लग्नाला १६ ऑक्टोबरला सात वर्ष पूर्ण झाली. आपल्या लग्नाचा सातवा वाढदिवस या दोघांनीही तैमुर आणि इतर कुटुंबीयांसोबत घरच्या घरी साधेपणाने साजरा करायचा ठरवलं. सध्या या घरघुती सेलिब्रेशनचे फोटो सोशल मीडियावर व्हायरल होत आहेत. बॉलिवूडमधील रोमँटिक कपल म्हणून सैफ आणि करिनाकडे पाहिले जाते. त्यामुळे ही जोडी त्यांच्या लग्नाचा वाढदिवस कुठे आणि कसा साजरा करणार याकडे त्यांच्या चाहत्यांचे लक्ष लागून राहिले होते. मात्र, सैफीनानं यंदा कोणताही मोठा प्लॅन बनवला नाही. उलट, त्यांनी घरच्या घरीच छोटेखानी सेलिब्रेशन करायचे ठरवले. या पार्टीला करिनाची बहिण करिश्मा कपूर, सैफची बहिण सोहा अली खान तसंच सोहाचा पती अभिनेता कुणाल खेमूदेखील हजर होते. हृदयाच्या आकाराचा डार्क चॉकलेट केक आणि वाईन असा पार्टीचा बेत होता. लग्नाचा सातवा वाढदिवस साजरा करण्यासाठी केक कापताना या दोघांनीही फोटो सोशल मीडियावर शेअर केला त्यावेळी या फोटोमध्ये तैमूरही दिसला आणि सोशल मीडियावर पुन्हा एकदा चर्चांना उधाण आले. सैफीनाचा मुलगा तैमूर याने स्वत:चा एक वेगळा चाहतावर्ग सोशल मीडियावर तयार केला आहे. त्याचे अनेक फोटो, व्हिडिओ त्यामुळे व्हायरल होत असतात. तैमुरच्या फॅन्सनी त्याच्या या फोटोचेदेखील कौतुक केले. दरम्यान, करिनानं तिचा वाढदिवस सैफ आणि करिश्मा कपूरसोबत पतौडी पॅलेसमध्ये साजरा केला. सैफनं खास तिच्यासाठी पार्टीचं आयोजन केलं होतं. या पार्टीतील काही फोटो सोशल मीडियावर व्हायरल झाले आहेत. 'डान्स इंडिया डान्स' च्या नवीन सीझनपासून करिनानं टीव्हीवर पदार्पण केलं आहे. याशिवाय, करिना कपूरच्या आगामी तीन चित्रपटांचे चित्रिकरण सुरू आहे. करिना करण जोहरच्या आगामी 'तख्त' या चित्रपटासह 'अंग्रेजी मीडियम' मध्ये इरफान खान बरोबर दिसणार आहे. 'जवानी जानेमन' मध्ये सैफ अली खान बरोबर दिसणार आहे.
