वॉशिंग्टनः भारताच्या विविध राज्यात सर्वात जास्त बोलली जाणारी हिंदी भाषाने आपली छाप परदेशातही सोडली आहे. अमेरिकेत हिंदी सर्वात जास्त बोलली जाणारी भारतीय भाषा ठरली आहे. हिंदी भाषेनंतर गुजराती भाषा ही दुसऱ्या क्रमांकावर आहे तर त्यानंतर तेलुगु ही भाषा तिसऱ्या नंबरवर आहे. १ जुलै २०१८ पर्यंत (८.७४ लाख) अमेरिकेत सर्वात जास्त बोलली जाणारी भाषा ठरली आहे. २०१७ च्या तुलनेत १.३ टक्क्यांनी यात वाढ झाली आहे. २०१० नंतर म्हणजेच आठ वर्षात ही संख्या वाढली आहे. अमेरिकेत हिंदी भाषा बोलणाऱ्यांच्या संख्येत २.६५ लाख लोकांसह वाढ झाली आहे. ही वाढ ४३.५ टक्क्यांनी वाढली आहे. हिंदी भाषेसोबतच अमेरिकेत बोलली जाणारी तेलुगु भाषा ही सर्वात जास्त बोलली जाणारी दुसरी भाषा ठरली आहे. २०१० ते २०१८ या दरम्यान तेलुगु भाषा बोलणाऱ्या व्यक्तींत ७९.५ टक्के वाढ झाली आहे. अमेरिकन कम्युनिटी सर्वे (एसीएस) च्या २०१८ च्या आकडेवारीनुसार, अमेरिकेत ६.७३ कोटी निवासी लोक इंग्रजीशिवाय अन्य भाषा बोलत असल्याचे या सर्वेत म्हटले आहे. लोकसंख्येचा विचार केल्यास अमेरिकेत २१.९ टक्के लोक एक परदेशी भाषा बोलतात. २०१७ च्या आकडेवारीनुसार, यात २१.८ टक्के इतकी वाढ झाली आहे. एसीएसच्या या सर्वेनुसार, अमेरिकेत २० लाखांहून अधिक भारतीय कुटुंबाचा यात समावेश आहे. अमेरिकेतील एकूण लोकसंख्येचा विचार केल्यास बंगाली भाषा बोलणाऱ्या व्यक्तीचे प्रमाण ३.७५ लाख इतके आहे. गेल्या आठ वर्षात हे प्रमाण ६८ टक्क्यांनी वाढले आहे. त्यानंतर तमिळ बोलणाऱ्यांचे प्रमाण (१ जुलै २०१८ पर्यंत) ३.०८ लाख लोकसंख्या आहे. ज्यात ६७.५ टक्के वाढ झाल्याचे पाहायला मिळाले आहे. भारताशिवाय अन्य देशातील व्यक्तीही बंगाली भाषा अमेरिकेत बोलत असल्याचे या सर्वेत नमूद करण्यात आले आहे. यात प्रामुख्याने बांगलादेशच्या लोकांचा समावेश आहे. तमिळ बोलणाऱ्यांमध्ये श्रीलंका, सिंगापूर आणि मलेशिया या देशातील नागरिकांचा समावेश आहे. गुजराती आणि तेलुगु भाषा बोलणाऱ्या व्यक्तींची संख्या २०१७ आणि २०१८ मध्ये थोडी कमी झाली आहे. गुजराती बोलणाऱ्यांची संख्या ४.१९ लाख आहे. गेल्या वर्षीच्या तुलनेत ती ३.५ टक्के कमी झाली आहे. १ जुलै २०१८ पर्यंत ४ लाख तेलुगु भाषिक लोक अमेरिकेत होते. २०१८ ची तुलना २०१० सोबत केल्यास तेलुगु बोलणाऱ्यांची संख्या २.२३ लाख वाढली आहे. आंध्र प्रदेश आणि तेलंगणा या राज्यातून अमेरिकेत कामानिमित्त गेलेल्या लोकांची संख्या सर्वाधिक आहे. घरात हिंदी, तेलुगु आणि तमिळ बोलणाऱ्या ८० टक्क्यांहून अधिक लोकसंख्या असणाऱ्या व्यक्तीला इंग्रजी चांगल्या प्रकारे बोलता येते, हे विशेष.
