नवी दिल्लीः गुगलनं आपली ईमेल सर्व्हिस जीमेलसाठी एक नवं खास फिचर लाँच केले आह. या नव्या फिचरचं नाव 'डायनॅमिक इमेल्स' असं आहे. हे फिचर लाँच झाल्यानंतर जीमेलच्या डिजाइनमध्ये अनेक बदल होणार आहेत. तसंच ईमेल्सना वेब पेजप्रमाणे अॅक्सेस करता येणार आहे. सध्या कंपनी हे फिचर अँड्रोइड व आयओएससाठी रोलआउट करणार आहे. इंटरअॅक्टिव्ह होणार ईमेल युजर्सना जीमेलमध्ये इंटरअॅक्टिव्ह ईमेल ऑफर करण्यासाठी गुगलनं अॅक्सेलरेटेड मोबाइल पेजमध्ये (AMP) बदल केले आहे. एएमपी इंटरनेटवर वेब पेजेस तात्काळ डाउनलोड करण्यास मदत करतात. तसंच, ईमेलच्या माध्यमातून आलेला मजकूर अॅपच्या माध्यमातून अॅक्सेस करता येणार आहे. वाचाः या नव्या फिचरमुळं अँड्रोइड व आयओएस युजर्सना ईमेल बॉक्समध्ये अनेक नवीन गोष्टी करता येणार आहेत. मेल स्क्रोल करण्याबरोबरच रिप्लाय करणे व कॅलेंडर इन्व्हाइट पाठवता येणार आहे. इतकचं नव्हे तर, युजर्स ईमेलमध्ये हॉटेलची लिस्ट तपासणे, फॉर्म भरणे, गुगल डॉकवर रिप्लाय करणे. अशा गोष्टीसुद्धा करु शकणार आहेत. वाचाः अँड्रोइड आणि आयओएस मिळणार अपटेड जीमेलमध्ये डायनॅमिक ईमेल जुलैमध्ये सुरु झालं आहे. आता कंपनीनं हे अँड्रोइड आणि आयओएससाठी रोलआउट करण्यास सुरुवात केली आहे. जी सूट आणि फ्री युजर्सना पुढच्या आठवड्यात हे फिचर मिळण्याची शक्यता आहे.
