म.टा.वृत्तसेवा,चंद्रपुर मध्य चांदा वनविभागाच्या कारवा जंगलात पाणवठ्यावर पाणी पीत असताना अजगराने अचानक हरणाला ओढून ठार केल्याची घटना घटना समोर आली आहे. सदर घटना मे महिन्यातील असून वनविभागाने याबाबतचा एक व्हिडिओ आता जारी केला आहे. मध्य चांदा वनविभागांतर्गत कारवा नर्सरीत ई-सर्वव्हिलन्स यंत्रणा बसवण्यात आली आहे. तेथील नियंत्रण केंद्रातून आसपासच्या सुमारे सात ते दहा किलोमीटर अंतरावरील जंगलातील वन्यजीवांच्या ताज्या घडामोडी टिपण्यात येतात. वन्यजीवांच्या घडामोडींवर या माध्यमातून लक्ष ठेवले जाते.या अंतर्गत हा व्हिडिओ जारी करण्यात आलाय. चार ते पाच हरणांचा कळप पाणी पिण्यासाठी तळ्याच्या काळी आला असल्यातचं या व्हिडिओत पाहायला मिळत आहे. पाण्यातील अजगरानं अचानक एका हरणाला ओढून ठार केल्याचा प्रकार घडला. सदर प्रकार मे २०१९ मधील असून आता तो वनविभागाने जारी केल्यामुळे तो सर्वत्र आता व्हायरल झाला आहे.
