दक्षिण कोरियातील सुप्रसिद्ध स्मार्टफोन ब्रँड असलेल्या सॅमसंगने गॅलक्सी-A श्रेणीतला नवा स्मार्टफोन बाजारात आणण्याची तयारी सुरू केली आहे. सॅमसंगचा लवकरच दाखल होणार आहे. सुत्रांच्या माहितीनुसार भारतात या स्मार्टफोनच्या उत्पादनाला सुरुवात देखील झाली आहे. Galaxy A51 या फोनमध्ये अँड्रॉइड १० ओएस व्हर्जन असणार आहे. या स्मार्टफोनचे फिचर्स लीक झालेत. या फोनमध्ये ६.५ इंचाचा AMOLED डिस्प्ले देण्यात येणार आहे. याशिवाय, फोनला सेल्फी आणि व्हिडिओ कॉलिंगसाठी तब्बल ३२ मेगापिक्सेलचा सेल्फी कॅमेरा या फोनचे विशेष आकर्षण ठरणार आहे. या फोनची बॅटरी ४,००० एमएएच इतक्या क्षमतेची असण्याची शक्यता आहे. तर रिअर कॅमेरा ४८ मेगापिक्सेलचा असू शकतो. अशाप्रकारे हा फोन Galaxy A50 पेक्षा कितीतरी पटीने अपडेटेट असू शकतो. अर्थात अद्याप या फोनच्या अनावरणाची नेमकी तारीख कंपनीकडून जाहीर करण्यात आलेली नाही. अद्ययावत प्रोसेसर ग्राहकांच्या अपेक्षांना अनुसरून सॅमसंगने Galaxy-A श्रेणीत प्रोसेसरवर अधिक भर देण्याचं ठरवलं होतं. त्यामुळे या श्रेणीतील फोन बाजारात चांगले लोकप्रिय होत असून त्यांना चांगली पसंती मिळत आहे. याच पार्श्वभूमीवर Galaxy A50 हा फोन बाजारात सर्वाधिक लोकप्रिय फोन ठरला. आता नव्या फोनमध्ये याही पेक्षा अधिक जलद प्रोसेसर देण्यात येणार असल्याचं सांगितलं जात आहे. येत्या वर्षात होणार लॉन्च समोर आलेल्या माहितीनुसार भारतात ग्रेटर नोएडा येथील सॅमसंगच्या कारखान्यात Galaxy A51 फोनचे उत्पादन सुरू झाले आहे. याशिवाय, फोनची काही छायाचित्र देखील इंटरनेटवर लीक झाली आहेत. लीक झालेल्या छायाचित्रांनुसार या फोनला यूएसबी टाइप-सी पोर्ट चार्जिंगसाठी देण्यात आल्याचं दिसतं. याशिवाय, ३.५ एमएम ऑडिओ जॅक आणि डिटिकेटेड मायक्रोएसटी कार्ड स्लॉटही देण्यात येऊ शकतो. येत्या वर्षात म्हणजेच २०२० साली पहिल्या तीन महिन्यांत Galaxy A51 बाजारात दाखल होण्याची शक्यता आहे.
