पणजी : पर्यटकांचं आवडतं डेस्टिनेशन असलेल्या गोव्यातील गावात फोटो आणि व्हिडीओ काढण्यावर १०० रुपये स्वच्छता कर आकारण्यात आला आहे. गोव्यातील प्रसिद्ध कलिंगुट समुद्र किनाऱ्याला लागून असलेलं हे गाव आपल्या सौंदर्यासाठी ओळखलं जातं. गोव्याचे दिवंगत मुख्यमंत्री यांचं हे मूळ गाव आहे. या गावाच्या सौंदर्यामुळे इथे विविध बॉलिवूड सिनेमांचं चित्रीकरणही झालं आहे. ग्रामपंचायतीच्या या निर्णयामुळे पर्यटक नाराज आहेत. दरम्यान, या करामुळे गावकऱ्यांना दारु पिणारे पर्यटक आणि त्यामुळे होणारी अस्वच्छता यापासून सुटका मिळाली आहे. २०१४ मध्ये आलेला सिनेमा ‘फाईंडिंग फनी’मधील दृष्य याच गावातील होतं. या गावात आता एक बोर्ड लावण्यात आला आहे, ज्यात नव्या नियमाची माहिती दिली गेली आहे. याशिवाय कर वसूल करण्यासाठी एका व्यक्तीची नेमणूकही करण्यात आली आहे. वाचा : निर्बंध घातले गेले तर परत गोव्यात येणं कठीण होईल, अशा आशयाची पर्यटकांची ऑडिओ क्लिपही सोशल मीडियावर व्हायरल झाली होती. पण पर्रा गावच्या सरपंच त्यांच्या नियमावर ठाम आहेत. दारु पिऊन धिंगाणा घालणाऱ्या पर्यटकांना आळा घालण्यासाठी हा कर असल्याचं सरपंच डेलिलाह लोबो म्हणाल्या. या गावच्या सरपंच मंत्री मायकल लोबो यांच्या पत्नी आहेत. वाचा : डेलिलाह यांच्या मते, रस्त्यावर अनेकदा एवढे फोटोशूट होतात, की त्यामुळे रहदारी करणाऱ्या वाहनांना चित्रीकरण होईपर्यंत थांबावं लागतं. यामुळे कायम वाहतूक कोंडीची समस्या निर्माण होते. हा कर फक्त पर्यटकांसाठीच असल्याचा कोणताही उल्लेख बोर्डवर करण्यात आलेला नाही. मात्र हा कर फक्त पर्यटकांसाठीच असल्याचं डेलिलाह यांचं म्हणणं आहे.
