पूर्णिया (बिहार): स्वातंत्र्यवीर सावरकरांच्या नाही, तर भगत सिंग यांच्या स्वप्नातील भारत घडवायचा आहे, असे मत जवाहर लाल नेहरू विद्यापीठाच्या विद्यार्थी संघटनेचा माजी अध्यक्ष आणि भारतीय कम्युनिस्ट पक्षाचा युवा नेता याने व्यक्त केले आहे. बिहारमधील पूर्णिया भागात नागरिकत्व दुरुस्ती कायद्याविरोधात निदर्शने करण्यात आली. त्यावेळी तो बोलत होता. कन्हैया कुमारने यावेळी पुन्हा एकदा स्वातंत्र्याच्या घोषणा दिल्या. केवळ हिंदू-मुस्लीम समाजाचा नाही. तो संविधानाशी संबंधित आहे. नागरिकत्व कायद्यामुळे संविधानाला धक्का लागत असून, देशाची घटना वाचवणे महत्त्वाचे आहे, असे तो म्हणाला. नागरिकत्व कायदा आणि राष्ट्रीय नागरिक नोंदणीविरोधातील () लढाई एका दिवसात संपणारी नाही. मोठ्या काळापर्यंत ही लढाई सुरू ठेवावी लागणार आहे, असे सांगत या दोन योजना संविधानाच्या मूळावर घाला घालणाऱ्या आहेत, असा दावा त्याने यावेळी केला. संविधानाला वाचवण्याची गरज निर्माण झाली आहे. कोणत्याही नागरिकाचा जातीचा, धर्माच्या आधारे भेदभाव केला जाऊ नये, असे संविधानात म्हटले आहे. मात्र, देशातील परिस्थिती याउलट आहे. आपल्या संविधानांबद्दल प्रेम नाही नसलेले लोकं दोन्ही योजनांचे समर्थन करत आहेत, असा आरोप त्याने केला. कोणतेही आंदोलन यशस्वी करायचे असेल, तर संयम आणि शिस्त आवश्यक आहे. या दोन्ही गोष्टी योग्य पद्धतीने आचरणात आणायला हव्यात, अशी सूचना त्याने यावेळी उपस्थित तरुणांना केली. इंदिरा गांधी स्टेडियममध्ये नागरिकत्व कायदा आणि एनआरसीला विरोध करण्यासाठी कार्यक्रमाचे आयोजन करण्यात आले होते. यावेळी विविध पक्षांचे नेते उपस्थित होते. दरम्यान, वादग्रस्त नागरिकत्व कायद्याच्या विरोधात आंदोलन करणाऱ्या दिल्लीच्या जामिया मिलिया इस्लामिया विद्यापीठाच्या विद्यार्थ्यांना दिल्ली पोलिसांनी केलेल्या मारहाणीच्या प्रकरणाचे दिल्लीसह देशभरात सोमवारी तीव्र पडसाद उमटले.
