मुंबई- बॉलिवूड अभिनेत्री सुष्मिता सेन अनेक वर्षांपासून सिनेमांपासून दूर आहे. सिनेमांपासून जरी ती दूर असली तरी सोशल मीडियावर सुष्मिता फार सक्रिय असते. ती सतत तिच्या कुटुंबासह प्रियकराचे फोटो आणि व्हिडिओ चाहत्यांसोबत शेअर करत असते. सुष्मिताने प्रियकर रोहमन शॉलसोबतचं तिचं नातं कधीच लपवलं नाही. त्याच्यासाठीचं प्रेम ती सतत खुल्या मनाने सांगत असते. आता सुष्मिताने रोहनमचा तिच्या मुलीसोबतचा अजून एक व्हिडिओ शेअर केला आहे. यात सुष्मिताची मोठी मुलही रिनी सेन आणि रोहनम एकत्र गाणं गाताना आणि तो क्षण पूर्णपणे एन्जॉय करताना दिसत आहेत. लवकरच सिनेमात दिसणार सुष्मिता सेन सुष्मिताच्या कामाबद्दल बोलायचे झाले तर जवळपास १० वर्षांनंतर ती सिनेमांमध्ये पूनरागमन करत आहे. स्वतः सुष्मिताने तिच्या इन्स्टाग्रामवर याबद्दल सांगितले. २०१५ मध्ये 'निर्बाक' या बंगाली सिनेमात ती दिसली होती. तर २०१० मध्ये 'नो प्रॉब्लेम' हा तिचा शेवटचा हिंदी सिनेमा होता. यानंतर ती सिनेमांमध्ये दिसली नाही. पुढच्या वर्षी ती सिनेमांतून प्रेक्षकांच्या भेटीला येणार असल्याचं जवळपास निश्चित झाले आहे. पण या प्रोजक्टबद्दल तिने अधिक माहिती दिलेली नाही. सुष्मिताच्या हिट सिनेमांच्या लिस्टमध्ये 'बीवी नंबर 1', 'जोर', 'फिलहाल', 'मैं हूं ना' आणि 'मैंने प्यार क्यों किया' हे सिनेमे आहेत.
