मुंबईः सोशल मीडिया साइट्स असो की गुगलचे सर्च इंजिन पंतप्रधान नरेंद्र मोदींचे मोठ्या संख्येने फॉलोअर्स आहेत आणि त्यांना मोठ्या प्रमाणावर सर्च केलं जातं. पण यंदा मात्र गुगलच्या सर्वाधिक सर्च केलेल्या व्यक्तींच्या यादीत मोदींना दोन जणांनी मागे टाकलंय. २०१९मध्ये सर्वाधिक सर्च झालेल्यांची माहिती गुगलने जाहीर केलीय. व्यक्ती, चित्रपट, गाणे, क्रीडा स्पर्धा आणि बातम्यांमध्ये कोणाला सर्वाधिक सर्च करण्यात आलं याची माहिती गुगलने दिलीय. गुगल २०१९ सर्च ट्रेंडमध्ये भारतीय हवाई दलाचे विंग कमांडर यांना गुगलवर सर्वाधिक सर्च केलं गेलं. वर्षभरात गुगलवर जगात त्यांना सर्वाधिक सर्च केलं. गुगलच्या ट्रेंडमध्ये अभिनंदन वर्तमान हे टॉपवर राहिले. भारतीय हवाई दलाने पाकव्याप्त काश्मीरमधील बालाकोट येथे हल्ला करून दहशतवाद्यांची तळं उद्ध्वस्त केली होती. यामुळे जळफळाट झालेल्या पाकिस्तानच्या हवाई दलाने काश्मीरमध्ये भारतावर हल्ला करण्याचा प्रयत्न केला. पण विंग कमांडर अभिनंदन वर्तमान यांनी पाकिस्तान विमानांना पिटाळून लावलच त्यासोबत पाकचे अत्याधुनिक असेल एफ-१६ विमानही पाडले. आकाशात हजारो फूट उंचीवर झालेल्या विमानांच्या या लढाईत अभिनंदन यांच्या विमानाचेही मोठे नुकसान झाल्याने त्यांनी विमानातून उडी घेतली. पण ते पाकिस्तानच्या सीमा भागात गेले. यानंतर पाकच्या सैनिकांनी त्यांना ताब्यात घेतलं. त्यांना मारहाणही झाली. यामुद्दावरून आंतरराष्ट्रीय पातळीवर भारताने पाकिस्तान जेरीस आणलं. यामुळे पाकला अभिनंदन वर्तमान यांना भारताच्या हवाली करावं लागलं. यात काही दिवस गेले. पण अभिनंदन मायदेशात दाखल होताच सर्वत्र जल्लोष करण्यात आला. तसंच अभिनंदन यांचा वीरचक्र पुरस्काराने गौरव करण्यात आला. अभिनंदन यांच्यानंतर गुगलवर सर्वाधिक सर्च करण्यातं आलं ते गानसम्राज्ञी लता मंगेशकर यांना. प्रकृती बिघडल्याने लतादीदींना रुग्णालयात दाखल करण्यात आलं होतं. २८ दिवसांच्या उपचारानंतर लतादीदींना डिस्चार्ज देण्यात आला. लतादीदींच्या पाठोपाठ गुगलवर सर्वाधिक सर्च झाली ती राणू मंडल. लतादीदी सारखी गात असल्याने गुगलसह सोशल मीडियावर राणू मंडलला सर्च केलं गेलं. सर्वाधिक सर्च केलेल्यांच्या यादी राणू मंडल सातव्या क्रमांकावर आहे. एक प्यार का नगमा है... हे गाणं गातानाता तिचा व्हिडिओ व्हायरल झाला होता. यानंतर ती मुंबईत आली. हिमेश रेशमीयासोबतचं तेरी मेरी हे गाणं व्हायरल झाल्यानं ती आणखी चर्चेत आली होती. तिसऱ्या क्रमांकावर आहे भारताचा माजी क्रिकेटपटू युवराज सिंग. युवराज सिंगने निवृत्ती जाहीर केल्यानंतर जूनमध्ये गुगलवर त्याला सर्वाधिक सर्च केलं गेलं. पाचव्या स्थानावर आहे बॉलिवूड अभिनेता विकी कौशल. दहशतवाद्यांनी उरीमध्ये केलेल्या हल्ल्यावर आधारित 'उरी द सर्जिकल स्ट्राइक' चित्रपट जानेवारीत प्रदर्शित झाला होता. या चित्रपटात विकीची प्रमुख भूमिका होती. हा चित्रपट खूप गाजला. क्रिकेटपटू वृषभ पंत, अभिनेत्री तारा सुतारिया, बिग बॉस १३ मधील स्पर्धक सिद्धार्थ शुक्ला यांनाही गुगलवर मोठ्या प्रमाणात सर्च केलं गेलं.
