मुंबई : पेट्रोलियम कंपन्यांनी गुरुवारी पेट्रोल आणि डिझेलच्या किमतीत वाढ केली. मुंबईत पेट्रोलचा दर प्रति लीटर ८१ रुपये ४० पैसे झाला आहे. तर डिझेलसाठी ७२.७९ रुपये आहे. दिल्लीत पेट्रोलमध्ये ७ पैशांनी वाढले असून पेट्रोलचा दर ७५.८१ रुपये आणि डिझेल ६८.९४ रुपये आहे. बुधवारी स्थिर होते. अमेरिका आणि इराणमधील संघर्ष अद्याप कायम आहे. यामुळे मागिल आठवडाभरात जागतिक बाजारात खनिज तेलाच्या किंमतीत वाढ झाली होती. खनिज तेल आयातीचा खर्च वाढणार असल्याने पेट्रोलियम कंपन्यांनी इंधन दरवाढीचा सपाटा लावला होता. मात्र बुधवारी खनिज तेलाच्या किंमतीत घसरण झाली. यानंतर कंपन्यांनी इंधन दर स्थिर ठेवले होते. मुंबईत गुरुवारी पेट्रोल ७ पैसे आणि डिझेल १५ पैशांनी महागले आहे. मुंबईत पेट्रोलचा दर प्रति लीटर ८१ रुपये ४० पैसे झाला आहे. तर डिझेल प्रति लीटर ७२ रुपये २९ पैसे झालं आहे. दिल्लीत पेट्रोल आणि डिझेल दर १३ महिन्यांचा उच्चांकावर आहे. पेट्रोलचा दर दिल्लीत प्रति लीटर ७५ रुपये ८१ पैसे झाला आहे. डिझेल दर प्रति लीटर ६८ रुपये ९४ पैसे झालं आहे. कोलकात्यात पेट्रोल ७८.३९ रुपये आणि डिझेल ७१.३१ रुपये आहे. खनिज तेल स्वस्त अमेरिका आणि इराणमधील तणाव कायम आहे. यामुळे जागितक बाजारात खनिज तेलाच्या किमतीवर परिणाम होत आहे. दरम्यान बुधवारी खनिज तेलाच्या किमतीत ४ टक्क्यांची घसरण झाली. क्रूडचा भाव वरती बॅरल ४ टक्क्यांनी कमी होऊन ६५.५४ डॉलर झाला. सुरवातीला तो ७१.७५ डॉलरवर गेला होता. अमेरिकेतील कमॉडिटी बाजारात खनिज तेलाचा भाव ३.०९ डॉलरने कमी होऊ ५९.६१ डॉलरपर्यंत खाली आला आहे.
