मुंबई : मध्य-पूर्वेत अमेरिका आणि इराणमधील संघर्ष पेटला असतानाच अमेरिकेचे राष्ट्र्राध्यक्ष डोनाल्ड ट्रॅम्प यांनी इराणवर लष्करी प्रतिकार करण्यासंदर्भातील भाषा सौम्य केली आहे. यानंतर युद्धाचे सावट काही प्रमाणात दूर झाले असून जगभरातील उसळली आहे. भारतीय शेअर बाजारात गुरुवारी सकाळीच गुंतवणूकदारांनी चौफेर खरेदीचा सपाटा लावला. यामुळे मुंबई शेअर बाजाराचा सेन्सेक्स ५०० अंकांनी उसळला. राष्ट्रीय शेअर बाजाराच्या निफ्टीत १५० अंकांची वाढ झाली. आठवड्याच्या सुरुवातीला ८०० अंकांच्या घसरणीत पोळून निघालेल्या गुंतवणूकदारांना आजच्या तेजीने सुखावले. आजच्या तेजीत कंपन्यांच्या बाजार भांडवलात किमान एक लाख कोटींची भर पडली. आज आयटी, पाॅवर, टेक, वित्त सेवा, बांधकाम, इन्फ्रा, तेल आणि वायू, बँकेक्स, आॅटो या क्षेत्रात खरेदीचा ओघ आहे. निफ्टीवर स्माॅल कॅप आणि मिड कॅप शेअरची खरेदी वाढली आहे. सेन्सेक्स मंचावर ३० शेअरमध्ये इंडसइंड बँकेच्या शेअरमध्ये सर्वाधिक वाढ झाली. त्याशिवाय एसबीआय, आयसीआयसीआय बँक, भरती एअरटेल, आयडीएफसी,टाटा मोटर्स, पीएनबी बँक, येस बँक, जिंदाल स्टील हे शेअर वधारले आहेत. जीएमआर इन्फ्रा, टीसीएस, एचसीएल टेक या शेअरमध्ये घसरण झाली. बुधवारी स्थानिक संस्थात्मक गुंतवणूकदारांनी ७४८ कोटींचे शेअर खरेदी केले. आशियातील बहुतांश शेअर बाजारात आज तेजी दिसून आली. यामुळे तेजीची लाटट्रॅम्प यांची नरमाईची भूमिका इराणच्या क्षेपणास्त्र हल्ल्यानंतर मध्य पूर्वेत अमेरिका आणि इराणमधील संघर्ष इरेला पेटला असतानाच अमेरिकेचे राष्ट्र्राध्यक्ष डोनाल्ड ट्रॅम्प यांनी इराणवर लष्करी प्रतिकार करण्यासंदर्भातील भूमिका सौम्य केली आहे. ट्रम्प यांनी नरमाईची भूमिका घेतल्याने दोन्ही देशांमधील वाद निवळण्याची शक्यता आहे. खनिज तेलाच्या किमती घसरल्याबुधवारी खनिज तेलाच्या किमतीत ४ टक्क्यांची घसरण झाली. क्रूडचा भाव वरती बॅरल ४ टक्क्यांनी कमी होऊन ६५.५४ डॉलर झाला. सुरवातीला तो ७१.७५ डॉलरवर गेला होता. अमेरिकेतील कमॉडिटी बाजारात खनिज तेलाचा भाव ३.०९ डॉलरने कमी होऊ ५९.६१ डॉलरपर्यंत खाली आला आहे. रुपया मजबूत चलन बाजारात डॉलरच्या तुलनेत रुपया २३ पैशांनी मजबूत झाला. रुपयाचे मूल्य २३ पैशांनी वधारले आणि तो ७१.४७ वर ट्रेड करत आहे. तिमाही आकडेवारीकडे लक्ष बँका, आयटी सेवा आणि एजमसीजी कंपन्यांनी तिसऱ्या तिमाहीत कामगिरी बहरेल, असा आशावाद गुंतवणूकदारांनी व्यक्त केला आहे. केंद्राने कंपनी करत कपात केल्यानंतर कंपन्यांच्या महसूल वाढण्याची शक्यता आहे. त्यामुळे गुंतवणूकदारांना तिमाही निकालांची उत्सुकता लागली आहे.
