श्रीनगर : जम्मू काश्मीरच्या जिल्ह्यातील बिजबेहरा भागात शनिवारी सकाळी सुरक्षा दलाला दहशतवाद्यांविरोधात मोठं यश हाती लागलंय. सुरक्षा दलानं एका साहसी एन्काऊन्टरमध्ये दोन घातलं. हे दहशतवादी लष्कर ए तोयबाचे सदस्य असल्याचं सांगण्यात येतंय. संगम भागात झालेल्या या चकमकीत सुरक्षादलानं दहशतवाद्यांकडून मोठ्या प्रमाणात हत्यारं आणि दारुगोळा जप्त केलाय. एखादी भयंकर दहशतवादी कृत्य घडवून आणण्याच्या प्रयत्नात हे दहशतवादी असल्याचं यातून समोर येतंय. सर्च ऑपरेशन दरम्यान सूचना 'सीआरपीएफ'चं सर्च ऑपरेशन सुरू असताना संगम भागात दहशतवादी लपून बसल्याची सूचना त्यांना मिळाली होती. यानंतर घटनास्थळी पोहचलेल्या सीआरपीएफ जवानांवर दहशतवाद्यांकडून गोळीबार सुरू करण्यात आला. प्रत्यूत्तरादाखल सुरक्षादलानंही त्यांच्यावर गोळीबार केला. या चकमकीत लष्करचे दोन दहशतवादी मारले गेले. बडगाममध्ये एकाला अटक यापूर्वी, जम्मू-काश्मीरच्या बडगाम जिल्ह्यात जैश ए मोहम्मद या दहशतवादी संघटनेच्या एका दहशतवाद्याला शुक्रवारी पोलिसांनी अटक केलीय. गुप्त सूचनेच्या आधारे मध्य काश्मीरच्या बडगाम जिल्ह्यातील खान साहेब भागात चौकशीसाठी एक चौकी उभारण्यात आली होती. याद्वारे एका वाहनाला रोखण्यात आलं. यावेळी, साकिब अहमद लोन याला आक्षेपार्ह सामानासह अटक करण्यात आली, अशी माहिती पोलीस प्रवक्त्यांनी दिलीय.
