बेंगळुरूः मोठ्या शहरांमध्ये अपघातांचे व गुन्ह्यांचे प्रमाण वाढत चालले आहे. हे प्रमाण रोखण्यासाठी बेंगळुरू पोलिसांनी एक अभियान सुरू केले आहे. नियम भंग करणारे, सिग्नल तोडणाऱ्यांना वठणीवर आणण्यासाठी पोलिसांनी पुतळ्यांना ट्रॅफिक पोलिसांचा गणवेश घालून रस्त्यांवर उभे केले आहे. शहरातील अनेक ठिकाणी हे पुतळे उभे करण्यात येत आहेत. या पुतळ्यांना कृत्रिम डोळे बसवण्यात येणार आहेत. त्यांचे डोळे हे कॅमेरासारखं काम करणार आहेत. या कॅमेऱ्याच्या मदतीने चेहरा ओळखण्याचे फिचर आहे तसंच, एका सर्व्हरपासून कनेक्ट करण्यात येणार आहे. असं पोलीस कमिश्नर भास्कर राव यांनी सांगितलं. सॉफ्टवेअरच्या मदतीने आरोपींची ओळख तपासणार सॉफ्टवेअरच्या मदतीने आरोपींची ओळख तपासण्यात येणार आहे. तसंच, एका गाडीने किती वेळा वाहतूक नियम तोडले आहे याची सुद्धा पडताळणी केली जाईल. त्या हिशोबाने चलान तयार करुन पोलिसांना अलर्ट पाठवण्यात येईल. एका पुतळ्याच्या मदतीने मद्यपान करुन गाडी चालवणाऱ्या चालकाची ओळख तपासण्यात आली आहे. पुतळे जेव्हा कार्यरत होतील तेव्हा पोलीसांनी दुसरी कामं करण्यास सोपं जाईल. असंही ते म्हणाले दुसऱ्या देशातील लोक आमच्याकडून शिकले ही तंत्रज्ञान बेंगळुरूत आताच सुरू झालं आहे. अमेरिका आणि फ्रान्सच्या पोलीस विभागानं शहर पोलीस विभागाचा दौरा केला होता. या वेळी त्यांनी या पुतळ्यांचे फोटोसुद्धा काढले आहे. दुसऱ्या देशात सुद्धा हे टेक्नोलॉजी वापरण्यात येत आहे. दुसरे देश सुद्धा आमच्याकडून शिकत आहेत. ज्यांना टेक्नोलॉजीची समज आहे ते पोलीस दलात भरती होत आहेत. काही सॉफ्टवेअर इंजिनीअरसुद्धा कॉन्स्टेबल व सह इन्स्पेक्टरच्या पदावर रुजु झाले आहेत. असं पोलीस कमिश्नर भास्कर राव यांनी सांगितलं.
