श्रीनगर: 'हर रोज गिरकर भी खडे है... ऐ जिंदगी देख मेके हौसले तुमसे भी बडे हैं'... जेव्हा चोहीकडे आगीच्या ज्वाळा आणि धूर असतो तेव्हा जीवन निरर्थक वाटू लागते. मात्र, काश्मीरच्या बर्फाच्छादित खोऱ्यात तैनात असलेल्या भारतीय लष्कराच्या एका अधिकाऱ्याने आगीच्या भयंकर ज्वाळांमध्येही जीवनाचा दोर तुटू दिला नाही. या अधिकाऱ्याने हिमालयाएवढ्या आत्मविश्वासाच्या जोरावर तीन जीवांना वाचवण्याचे काम केले. यामध्ये अधिकाऱ्याची पत्नी आणि दोन कुत्र्यांचा समावेश आहे. जम्मू-काश्मीरमध्ये आगीच्या ज्वाळांमध्ये फसलेल्या आपल्या दोन कुत्र्यांना वाचवण्यासाठी या लष्कराच्या मेजरने आपले प्राण पणाला लावले. या दरम्यान या तीन जीवांना वाचवताना हा अधिकारी भाजला. घटनास्थळीच या जवानाचे प्राण सोडले. अंकित बुद्धराज असे या अधिकाऱ्याचे नाव आहे. मात्र, या अधिकाऱ्याचा पराक्रम पाहून प्रत्येकाच्या डोळ्यात अश्रू उभे राहिले. या अधिकाऱ्याच्या पराक्रमाची सगळीकडेच चर्चा आहे. काश्मीर खोऱ्यातील बारामुल्ला जिल्ह्यातील गुलमर्गमध्ये आगीत फसलेल्या आपल्या कुत्र्यांचे प्राण वाचवताना या झाला. शनिवारी रात्री या अधिकाऱ्याच्या घराला आग लागली, अशी माहिती एका पोलिस अधिकाऱ्याने दिली. एसएसटीसीमधील कोअर सिग्नलच्या कामाशी संबंधित मेजर बुद्धराज यांनी आपली पत्नी आणि एका कुत्र्याला आगीच्या ज्वाळांनी वेढलेल्या घरातून सुखरूप बाहेर काढले. मात्र, दुसऱ्या कुत्र्याला वाचवत असताना ते स्वत: ९० टक्के भाजले आणि त्यांचा घटनास्थळीच मृत्यू झाला. अग्निशमन दलाच्या जवानांनी स्थानिक पोलिसांच्या मदतीने या आगीवर नियंत्रण आणले. या पराक्रमी लष्करी अधिकाऱ्याचा मृतदेह शवविच्छेदन आणि कायदेशीर औपचारिकता पूर्ण करण्यासाठी उप-जिल्हा रुग्णालयात पाठण्यात आला आहे.
