तेहरान: इराणमध्ये वाढत आहे. करोनामुळे इराणमध्ये आतापर्यंत ४० जणांचा मृत्यू झाला आहे. इराणमध्ये असणाऱ्या भारतीय नागरिकांना मायदेशी आणण्यासाठी भारतीय दूतावासाने प्रयत्न सुरू केले आहेत. इराणमधील भारतीयांना एका विशेष विमानाने आणण्याचे प्रयत्न सुरू आहेत. इराणमध्ये व्यवसाय, नोकरीच्या निमित्ताने अनेक भारतीय आहेत. इराणमध्ये करोनाचा संसर्ग पसरत असून परिस्थिती आणखी चिंताजनक होण्याची भीती आहे. भारत, अमेरिका या देशांनी इराणसोबतची विमान वाहतूक काही काळ स्थगित केली आहे. त्याशिवाय इराणमधून येणाऱ्या प्रवाशांवर निर्बंध लादण्यात आले आहेत. आता, इराणमध्ये अडकलेल्या भारतीयांना पुन्हा मायदेशी आणण्यासाठी विशेष प्रयत्न सुरू करण्यात आले आहेत. याबाबत इराणमधील भारतीय दूतावास आणि केंद्र सरकार यांच्यात चर्चा सुरू आहे. त्यामुळे इराणमधील भारतीयांसाठी विशेष विमानाची व्यवस्था करण्यात येणार असल्याची चर्चा आहे. वाचा: वाचा: मागील महिन्यात चीनमध्ये अडकलेल्या सुमारे ६०० भारतीयांना एका विशेष विमानांने मायदेशी आणण्यात आले होते. या सर्वांची वुहान विमानतळावरही वैद्यकीय तपासणी झाली होती. त्यानंतर दिल्लीत दाखल झाल्यानंतर पुन्हा त्यांना एका विशेष ठिकाणी दोन आठवडे वैद्यकीय निरिक्षणाखाली ठेवण्यात आले होते. सर्वांच्या वैद्यकीय चाचणी सकारात्मक आल्यानंतर त्यांना घरी जाण्याची मुभा देण्यात आली. आणखी वाचा:
