मुंबईः करोना व्हायरसनं जगभरात थैमान घातले आहे. देशात करोनाचे रुग्ण दिवसेंदिवस वाढत आहेत. करोनाचा प्रादुर्भाव रोखण्यासाठी घोषित करण्यात आला आहे. लॉकडाउनमुळं अनेक व्यवसाय बंद पडले आहेत. तसंच, फिल्म इंटस्ट्रीलाही लॉकडाउनचा फटका बसला आहे. अनेक निर्मात्यांनी त्याच्या चित्रपट प्रदर्शनाच्या तारखा पुढे ढकलल्या आहेत तर काहींनी चित्रपट ओटीटी प्लॅटफॉर्मवर प्रदर्शित करण्याचा निर्णय घेतला आहे. सूत्रांनुसार, करोना व्हायरसमुळं चित्रपटांचं शुटिंग बजेट कोलमडले आहे. तर, अनेक कलाकारांच्या मानधनात कपात केली आहे. मानधनात कपात करण्याच्या मुद्द्यावर बॉलिवूडची आघाडीची अभिनेत्री हिनं मत व्यक्त केलंय. लॉकडाउनमुळं शुटिंग बंद आहेत त्यामुळं पगारसुद्धा मिळत नाहीये आणि यापुढंही मानधनात कपात होईल, येणाऱ्या परिस्थितीसाठी मी तयार आहे. असं तापसी पन्नूनं म्हटलं आहे. फिल्मफेअरला दिलेल्या मुलाखतीत तापसी म्हणाली आहे. वाचाः लॉकडाउनमध्ये अनेक निर्मात्यांनी ओटीटी प्लॅटफॉर्मवर चित्रपट प्रदर्शित करण्याचा निर्णय घेतल्यानंतर थिएटर मालकांनी असंतोष व्यक्त केलायं. यावरही तापसी बोलली आहे, ते नाराज आहेत हे ऐकून मला अजिबात आश्चर्य वाटलं नाही, त्याचा राग अगदीच योग्य आहे. मात्र, आपल्याला आता वाट पाहावी लागणार आहे पुढं काय घडणार याची. भारतात थिएटर व्यवसाय कधीच बंद होणार नाही, असंही ती म्हणाली आहे. वाचाः डिजीटल प्लॅटफॉर्मवर प्रदर्शित होऊ शकतात हे सिनेमे अक्षय कुमारचा 'लक्ष्मी बम', अभिषेक बच्चन आणि राजकुमार रावचा 'लुडो', जान्हवी कपूरचा 'गुंजन सक्सेनः द कारगिल गर्ल' आणि अमिताभ बच्चन यांचा 'गुलाबो सिताबो' व 'झुंड' हे चित्रपट ओटीटी प्लॅटफॉर्मवर प्रदर्शित होण्याची शक्यता आहे.
