नवी दिल्ली : देशाचे संरक्षण प्रमुख (चीफ ऑफ डिफेन्स स्टाफ - CDS) जनरल बिपिन रावत यांनी सेनेला परदेशातून केली जाणारी हत्यारांची आयात कमी करण्याचा सल्ला दिलाय. परदेशी हत्यारं आणि इतर सुरक्षा उपकरणांऐवजी भारतानं 'मेक इन इंडिया'वर लक्ष द्यायला हवं. सेनेला कोणत्या साधनांची, हत्यारांची गरज आहे हे लक्षात घेऊन आयातीचा निर्णय घ्यायला हवा, अमेरिका किंवा तत्सम देशांकडे पाहून नाही... हत्यारं आयात करण्यासाठी खर्च होणारा पैसा योग्य पद्धतीनं हाताळून स्वत:च 'डिफेन्स इंडस्ट्री' तयार करू शकतो, अशीही आशा त्यांनी व्यक्त केलीय. 'टाईम्स ऑफ इंडिया'ला दिलेल्या एका मुलाखतीत जनरल रावत यांनी हे वक्तव्य केलंय. करोना व्हायरसमुळे प्रत्येकावर परिणाम झालाय. आपल्याला वास्तववादी व्हावं लागेल तसंच परिस्थितीशी जुळवूनही घ्यावं लागेल. आपल्याला आपल्या गरजांचा प्राधान्यक्रम ठरवून ऑपरेशन्सची प्राथमिकता ठरवावी लागेल. हत्यारांची आयात आणि त्यांचे पार्टस खरेदी करण्यापेक्षा या हत्यारांचा मेन्टेनन्स अधिक महाग ठरतोय, असं म्हणताना परदेशी हत्यारांवर असलेली निर्भरता देशानं कमी करायला हवी, असं बिपिन रावत यांनी म्हटलंय. वाचा : वाचा : वाचा : करोना विषाणूच्या परिणामांमुळे अनेक देशांचं डिफेन्स बजेट कोलमडण्याची शक्यता आहे. अशा वेळी जनरल रावत यांचं हे वक्तव्य अतिशय महत्त्वाचं ठरणार आहे. सध्या, सर्व प्रकारच्या डिफेन्स डिल आणि परदेशी हत्यांरांची खरेदी प्रक्रिया सुरू नाही. उल्लेखनीय म्हणजे, भारत जगातील दुसऱ्या क्रमांकावरील सर्वात मोठा हत्यारांचा आयातकर्ता देश आहे. पहिला क्रमांक लागतो तो सौदी अरेबियाचा... हत्यारांच्या बाजारात ९.२ टक्के खरेदी केवळ सौदी अरेबियाकडून केली जाते. भारतीय कंपन्या तयार करू शकणार नाहीत, अशा हत्यारांसाठी परदेशी कंपन्यांना 'मेक इन इंडिया'साठी संपर्क करायला हवा, असंही त्यांनी म्हटलंय. सध्या भारतीय सैन्य दल जवानांसाठी अमेरिका - इस्राइलमधून अॅडव्हान्स असॉल्ट रायफल्स आणि लाईट मशीन गन्स खरेदी करत आहे. परंतु, भविष्यात मात्र सैन्याच्या गरजा 'मेक इन इंडिया' प्रोजेक्टसद्वारेच पूर्ण होऊ शकतील, असंही त्यांनी म्हटलंय. वाचा : वाचा : वाचा :
