पुलवामा: जम्मू आणि काश्मीरमधील येथे सुरक्षा दलाचे जवान आणि दहशतवाद्यांमध्ये झालेल्या चकमकीत एका दहशतवाद्याला ठार केले आहे. या भागात काही दहशतवादी लपले असून या भागाला सुरक्षा दलाने घेरले आहे. सूत्रांनी दिलेल्या माहितीनुसार, हिजबूल मुजाहिद्दीन या दहशतवादी संघटनेचा कमांडर रियाझ नायकू या भागात लपला असल्याची माहिती सुरक्षा दलाला मिळाली आहे. अवंतीपोराच्या शारशाली ब्रू भागात ही सुरू असून सुरक्षा दलाबरोबरच काश्मीर पोलिसही या अभियानात सहभागी झाले आहेत, अशी माहिती काश्मीर पोलिसांनी दिली. हिजबूल मुजाहिद्दीनचा कमांडर रियाझ नायकू इथे लपल्याची माहिती मिळाल्यानंतर सुरक्षा दल आणि काश्मीर पोलिसांनी संयुक्त शोध मोहीम हाती घेतली, असे सूत्रांनी सांगितले. तीन दिवसांपूर्वी, जम्मू-काश्मीरच्या हंदवाडा येथे सुरक्षा दल आणि दहशतवाद्यांमध्ये झालेल्या चकमकीत दोन दहशतवादी ठार झाले होते. मात्र, या चकमकीत लष्कराचे एक कर्नल आणि मेजरसह ५ जवान शहीद झाले होते. या चकमकीत शहीद झालेल्यांमध्ये लष्कराचे २ जवान आणि जम्मू-काश्मीर पोलिसातील एका कमांडोचा समावेश आहे. या नंतर हंदवाडा जिल्ह्यात सोमवारी दहशतवाद्यांनी पुन्हा सुरक्षा दलावर हल्ला केला. दहशतवाद्यांनी हंदवाड्यातील काझियाबाद परिसरात सीआरपीएफच्या एका पेट्रोलिंग पथकावर गोळीबार केला. या हल्ल्यात सीआरपीएफचे ३ जवान शहीद झाले. या हल्ल्यादरम्यान झाला.
