मुंबई- बॉलिवूडचे दिग्गज गीतकार यांनी शनिवारी अजानशी निगडीत एक ट्वीट केलं. या ट्वीटमुळे नव्या वादाला तोंड फुटलं आहे. या ट्वीटमध्ये अख्तरांनी लिहिलं की, 'भारतात जवळपास ५० वर्ष लाउडस्पीकरवर ऐकणं अयोग्य मानलं जायचं. अचानक ते योग्य झालं आणि अशाप्रकारे योग्य झालं की आता त्याला काही बंधनचं उरली नाहीत. अजान करणं ठीक आहे पण लाउडस्पीकरवर करणं दुसऱ्यांना त्रासदायक ठरतं. मला आशा आहे की किमान यावेळी ते स्वतःहून वापरणार नाहीत.' जावेद अख्तरांच्या या ट्वीटनंतर सोशल मीडियावर त्यांना मोठ्या प्रमाणात ट्रोल करण्यात आलं. एका युझरने लिहिले की, 'स्वतःचं सेक्युलिझम सिद्ध करण्यासाठी तुम्हाला लाउड स्पीकरवर फक्त अजानवर बंदी आणण्याची गोष्ट करण्याची गरज नाही. बंदी आणायची आहे तर पूर्ण लाउडस्पीकरवर आणा.मग ते गणेशोत्सवात असो, अजानवर असो रविवारी असो किंवा अन्य धार्मिक कार्यक्रमांमध्ये. सेलिब्रिटींच्या लग्नात होणाऱ्या आवाजालाही आपण विसरता कामा नये.' अजून एका युझरने लिहिले की, 'मला तुमचा मुद्दा पटत नाही. कृपपा करून इस्लाम आणि त्याच्यावर श्रद्धा असणाऱ्या गोष्टींवर मत देऊ नका. तुम्हाला माहीत आहे की आम्ही जोरजोरात गाणी लावत नाहीओत आणि वाईट कृत्यही करत नाही. अजान ही प्रार्थनासाठी आणि योग्य रस्त्यावर चालण्यासाठी फार सुंदर गोष्ट आहे.' या युझरच्या ट्वीट देताना अख्तरांना लिहिले की, 'तर तुम्हाला असं म्हणायचंय की ते सर्व इस्लामिक जाणकार ज्यांनी ५० वर्ष लाउडस्पीकरला अयोग्य मानलं होतं ते चुकीचे होते.' ते तज्ज्ञ चुकीचे होते का- जावेद अख्तर यांनी लिहिले की, 'तुम्ही म्हणत आहात की त्यांना माहीत नव्हतं की ते नक्की काय करत आहेत? जर तुमचा यावर दृढ विश्वास आहे तर एकदा तसं बोला. मग मी तुम्हाला त्या जाणकांरांची नावंही सांगीन.' जावेद अख्तरांच्या वक्तव्यानंतर रमजानच्या महिन्यात सोशल मीडियावर एक भला मोठा वाद सुरू झाला आहे.
