इस्लामाबाद: आर्थिक संकटात सापडलेल्या पाकिस्तानला अमेरिकेने आर्थिक मदतीचा हात पुढे केला आहे. करोनाच्या संकटाशी सामना करण्यासाठी अमेरिका पाकिस्तानला ६० लाख डॉलरची मदत करणार आहे. करोनाच्या संसर्गाशी दोन हात करण्यासाठी पाकिस्तानचे पंतप्रधान इम्रान खान जगाकडे मदतीचे आवाहन केले होते. पाकिस्तानमधील अमेरिकेचे राजदूत पॉल जोन्स यांनी या मदतीची माहिती दिली. ईदनिमित्त पाकिस्तानमधील नागरिकांना शुभेच्छा देताना त्यांनी अमेरिका पाकिस्तानला ६० लाख डॉलरची मदत करणार असल्याचे सांगितले. ही रक्कम करोना संसर्गाने बाधित रुग्णांच्या सेवेत असलेल्या आरोग्य कर्मचाऱ्यांना प्रशिक्षण देण्यासाठी उपयोगात आणली जाणार असल्याचे त्यांनी सांगितले. यामुळे आरोग्य केंद्रात, रुग्णालयात करोनाचा प्रादुर्भाव होणार नसल्याची अशी अपेक्षा त्यांनी व्यक्त केली. पाकिस्तानमध्ये करोनाबाधित परिसरात राहणाऱ्या नागरिकांच्या तपासणीसाठी मोबाइल लॅब तयार करण्यात येणार आहे. वाचा: वाचा: पाकिस्तानच्या आरोग्य मंत्रालयाने दिलेल्या माहितीनुसार, सिंध प्रांतात २१ हजार ६४५, पंजाब प्रांतात १९ हजार ५५७, खैबर-पख्तूनख्वामध्ये ७६८५, बलुचिस्तानमध्ये ३३०६, इस्लामाबादमध्ये १५९२ करोनाबाधित आढळले आहेत. पाकिस्तानमध्ये १७ हजार १९८ करोनाबाधितांवर यशस्वी उपचार करण्यात आले असून चार लाख ७३ हजारजणांची करोना चाचणी करण्यात आली असल्याची माहिती मंत्रालयाने दिली. आणखी वाचा:
