मुंबई: ज्येष्ठ अभिनेते सदाबहार कलावंत यांच्या जाण्यानं अवघ्या सिनेसृष्टीला गुरुवारी आणखी एक मोठा धक्का बसला. गेल्या दोन वर्षांपासून ते कर्करोगाशी लढत होते. बुधवारी रात्री प्रकृती बिघडल्यानंतर त्यांना मुंबईतील एच. एन. रिलायन्स फाऊंडेशन रुग्णालयात दाखल करण्यात आलं होतं. गुरुवारी, सकाळी ८ वाजून ४५ मिनिटांनी त्यांची प्राणज्योत मालवली. ते ६७ वर्षांचे होते. त्यांच्या निधनानंतर सोशल मीडियावर अनेक फोटो आणि व्हिडिओ व्हायरल झाले. त्यातला एक व्हिडिओ रुग्णालयातील आयसीयूमधला होता. हा व्हिडिओ प्रचंड व्हायरल झाल्यानंतर ‘द फेडरेशन ऑफ वेस्टर्न इंडिया सिने एम्प्लॉईज’ (FWICE) कडून सर एच.एन . रियायन्स फाऊंडेशन रुग्णालयाविरोधात तक्रार दाखल करण्यात आली असून नोटीसही बजावण्यात आली आहे. FWICE चे अध्यक्ष अशोक पंडित यांनी ट्विट करून याप्रकाराबद्दल आक्षेप नोंदवला आहे. एक पोस्ट शेअर करत त्यांनी या व्हिडिओवर आक्षेप घेतला आहे. त्यामुळे सध्या अशोक पंडित यांचं हे ट्विट चर्चेचा विषय ठरत आहे. व्हायरल व्हिडिओ हा सर एच.एन. रियायन्स फाऊंडेशन रुग्णालयातील अतिदक्षता म्हणजेच आयसीयू विभागातला आहे. यात ऋषी कपूर हे बेडवर झोपले असून यांना श्वासोच्छवास घेण्यास त्रास होत असल्याचं असल्याचं दिसून येतय. फेडरेशन ऑफ वेस्टर्न इंडिया सिने एम्प्लॉइसनं या व्हिडिओला अनैतिक ठरवत मानवी अधिकांरांचं उल्लंघन झाल्याचं म्हटलं आहे. रुग्ण किंवा त्याच्या कुटुंबियांच्या परवानगीशिवाय हा व्हिडिओ शूट करून व्हायरल करण्यात आला. त्यामुळं हा प्रकार अनैतिक असल्याचं अशोक पंडित यांनी म्हटलं आहे. दरम्यान, सोशल मीडियावर सक्रिय असणाऱ्या ऋषी कपूर यांनी दोन एप्रिलनंतर ट्विटरवर कोणतीही पोस्ट टाकलेली नव्हती. त्यामुळं त्यांची प्रकृती बरी नसल्याचा अंदाज गेले काही दिवस व्यक्त करण्यात येत होता. त्यानंतर, 'ऋषी कपूर रुग्णालयात असून ते कॅन्सरशी झुंज देत आहेत' असं रणधीर कपूर यांनी बुधवारी सांगितलं होतं. त्यांना श्वास घेण्यास त्रास होत होता. त्यामुळं त्यांना रुग्णालयात दाखल करण्यात आलं होतं. फेब्रुवारी महिन्यातही त्यांना दोनवेळा रुग्णालयात दाखल करण्यात आलं होतं. वाचा: वाचा:
