मुंबई: राज्यातील करोनाबाधीत रुग्णांची एकूण संख्या २२ हजार १७१ झाली आहे. काल रविवारी राज्यात १२७८ नवीन रुग्णांचे निदान झाले. तर ३९९ करोनाबाधित रुग्णांना घरी सोडण्यात आले असून आतापर्यंत राज्यभरात ४१९९ रुग्ण बरे झाले आहेत. त्याशिवाय २ लाख ३८ हजार ७६६ नमुन्यांपैकी २ लाख १५ हजार ९०३ जणांचे नमुने निगेटिव्ह आले आहेत, तर २२ हजार १७१ जण पॉझिटिव्ह आले आहेत. राज्यात २ लाख ४४ हजार ३२७ लोक होम क्वारंटाईनमध्ये असून १४ हजार ४६५ लोक संस्थात्मक क्वारंटाईनमध्ये आहेत. जाणून घेऊया करोना आजाराशी संबंधित दिवसभरातील माहिती. >> औरंगाबादच्या मुकुंदवाडीत करोनामुळे ८० वर्षीय व्यक्तीचा मृत्यू >> कोल्हापूर येथील राजर्षी शाहू महाराज टर्मिनस येथून आज सायंकाळी ५ वाजता कोल्हापूर-जबलपूर श्रमिक एक्सप्रेस रवाना होणार आहे >> राज्यातील चिंता वाढतीच, एकूण करोनाबाधितांपैकी एक तृतीयांश रुग्ण महाराष्ट्रात >> पुण्यातील कंटेन्मेंट झोन १७ मेपर्यंत पूर्णपणे बंद राहणार >> महाराष्ट्रासाठी आनंदाची बातमी! बुलडाणा जिल्हा करोनामुक्त >> मुंबई: धारावी, दादर, माहीममध्ये ३७ नवे करोना रुग्ण; ५ मृत्यू >> हिंगोलीत करोना वॉरियर्स म्हणून सरसावले तृतीयपंथी
