बीजिंग: चीनची राजधानी बीजिंगमध्ये करोनबाधितांची संख्या वाढत असल्यामुळे प्रशासन युद्धपातळीवर कामाला लागले आहे. बीजिंगमध्ये करोनाबाधितांची संख्या वाढत असल्यामुळे प्रशासनाने आणखी १० ठिकाणी लॉकडाउन जाहीर केला आहे. मांस व खाद्यान्न विक्री होणाऱ्या बाजारातून झाला असल्याचे संशय प्रशासनाला आहे. काही रुग्णांचा संबंध या बाजाराशी आला असल्याचे समोर आले आहे. शहर अधिकारी ली जंझी यांनी पत्रकार परिषदेत सांगितले की, बीजिंग प्रातांतील वायव्य भागातील हेडियन जिल्ह्यातील घाऊक बाजारपेठेत काही करोनाबाधित आढळले आहेत. ही बाजारपेठ दुसऱ्या क्रमांकाची मोठी बाजारपेठ आहे. या परिसरातील शाळा, बाजार बंद करण्यात आले असल्याचे त्यांनी सांगितले. या परिसरातील नागरीक लॉकडाउनमध्ये असल्याचे त्यांनी सांगितले. बीजिंगमध्ये अचानक करोनारुग्णांची संख्या वाढल्यामुळे येथील अधिकारी बुचकळ्यात पडले आहेत. कारण उर्वरित देशापासून सुरक्षित असलेल्या या शहरामध्ये जवळपास दोन महिन्यांपासून नवीन रुग्णांची नोंद झाली नव्हती. नवे रुग्ण आढळल्याने चीनच्या या राजधानीत करोना विषाणूचा प्रादुर्भाव डोके वर काढण्याची चिंता वाढली आहे. त्यामुळेच खबरदारी म्हणून बीजिंगमधील अनेक बाजारपेठा बंद करण्यात आल्या आहेत. वाचा: दरम्यान, करोनाचे सहा नवीन रुग्ण आढळल्याने बीजिंगमधील अनेक बाजारपेठा शनिवारी बंद करण्यात आल्या होत्या. बीजिंगमध्ये नवीन ५७ रुग्ण आढळले आहेत. शहराच्या सर्व एन्ट्री आणि एक्झिट पॉईंटवर करोना चाचणीसाठी टेस्टिंग स्टेशन उभारले आहेत. त्याशिवाय लोकांना बीजिंग बाहेर जाण्यास मनाई करण्यात आली आहे. वुहान प्रमाणेच बीजिंगमधील जवळपास दोन कोटी नागरिकांची करोना चाचणी करण्यात येण्याची शक्यता आहे. नवीन करोनाबाधित रुग्णांमध्ये करोना आजाराची कोणतीही लक्षणे आढळून येत नाहीत. मात्र, या रुग्णांकडून इतरांना संसर्ग होण्याचा धोका आहे. आणखी वाचा:
