मुंबईः 'नवा विचार रुजवणारा आणि कार्यकर्त्यांमधून नेता घडवणारा किमयागार.' अशा शब्दात मनसे कार्यकर्त्यांनी यांना वाढदिवसाच्या अनोख्या शुभेच्छा दिल्या आहेत. मनसेच्या अधिकृत ट्विटर अकाउंटवर एक व्हिडिओ शेअर करण्यात आला आहे. 'यात महाराष्ट्राचं सर्वांग सुंदर स्वप्न पाहणाऱ्या आणि त्या नवनिर्माण नवं नेतृत्व घडवणाऱ्या किमयागारास मनपुर्वक शुभेच्छा' असं म्हटलं आहे. राज ठाकरेंच्या वाढदिवशी त्यांच्या मुंबईतील निवासस्थानी त्यांना शुभेच्छा देण्यासाठी गर्दी करतात. मात्र, राज्यात करोनाचे संकट असताना राज यांनी वाढदिवस साजरा न करण्याचं आवाहन केलं आहे. त्यामुळं मनसैनिकांनी ट्विट व सोशल मिडियाच्या माध्यमातून राज ठाकरेंना शुभेच्छा दिल्या आहेत. वाचा वाढदिवस साजरा न करण्याचे आवाहन दोन दिवसांपूर्वी राज ठाकरेंनी फेसबुक पोस्टच्या माध्यमातून कार्यकर्त्यांना आवाहन केलं होतं. कुणीही मला शुभेच्छा द्यायला येऊ नये, असा सूचनावजा आदेश दिला होता. करोनामुळे अनेकांना प्राण गमवावे लागले आहेत, कोरोनाबाधितांची संख्या कमी झालेली नाही, थोडक्यात सर्वत्र चिंतेचं वातावरण आहे आणि अशा वातावरणात वाढदिवस साजरा करणं अजिबात उचित नाही आणि म्हणूनच पक्षातील सर्व पदाधिकारी आणि महाराष्ट्र सैनिकांना माझा सूचनावजा आदेश आहेत की कोणीही मला शुभेच्छा द्यायला येऊ नका. तुम्ही जिथे आहात, तिथे जनतेला मदत करा, दिलासा द्या ह्याच माझ्यासाठी शुभेच्छा आहेत,' असं राज ठाकरे यांनी आपल्या पोस्टमध्ये म्हटलं होतं. वाचाः
