पाकिस्तानचा माजी कर्णधार शाहिद झाल्याचे निष्पन्न झाले आहे. त्यामुळे आता त्याच्या संपर्कात आलेल्या शेकडो लोकांना धोका निर्माण झाल्याचे म्हटले जात आहे. गुरुवारपासून माझी तब्येत बिघडली आहे. करोना चाचणी केल्यानंतर ती पॉझिटिव्ह आली. यातून बाहेर पडण्यासाठी तुमच्या प्रार्थनेची गरज आहे, असे ट्टीट आफ्रिदीने केले आहे. काही दिवसांपूर्वी आफ्रिदी काही लोकांना मदत करत होता. त्यावेळी तो बऱ्याच जणांच्या संपर्कात आला होता. त्यामुळे आता त्याच्या संपर्कात आलेल्या लोकांनाही करोनाचा धोका असल्याचे म्हटले जात आहे. आफ्रिदी गेल्या काही दिवसांपासून पाकिस्तानमधील करोनाग्रस्त लोकांना तसेच अन्य नागरिकांना मदत करत आहे. त्याने सोशल मीडियावरून मदत कार्यचे फोटो शेअर केले होते. पण ही मदत करत असताना त्याने अनेक वेळा भारताचे पंतप्रधान नरेंद्र मोदी आणि काश्मीर संदर्भात बेताल वक्तव्य केले होते. आफ्रिदीने पाकिस्तानमधील काही मंदिरातील गरजू लोकांना मदत केली होती. त्याचबरोबर पाकव्याप्त काश्मीर भागातली आफ्रिदीने गेला होता आणि तेथील लोकांना त्याने मदतीचा हात पुढे केला होता. त्यामुळे आता या सर्व लोकांना करोना धोका असल्याचे म्हटले जात आहे. त्यामुळे आफ्रिदीच्या संपर्कात आलेल्या प्रत्येक व्यक्तीला करोनाची चाचणी करावी लागणार आहे.
