मुंबई : स्थानिक कमॉडिटी बाजारात सोमवारी सोन्याचा भाव ०.३७ टक्क्यांनी वधारला. सोने १० ग्रॅमला ४८२२५ रुपये झाले. तर चांदीचा भाव ४९७९० रुपये होता. goodreturns.in या वेबसाईटनुसार आज मंगळवारी मुंबईत २२ कॅरेट सोन्याचा भाव ४६९५० रुपये आहे. २४ कॅरेटचा भाव ४७९५० रुपये झाला आहे. दिल्लीत २२ कॅरेट सोनं ४६९०० रुपये आणि २४ कॅरेटचा भाव ४८१०० रुपये आहे. कोलकात्यात २२ कॅरेटचा भाव ४७२६० रुपये आणि २४ कॅरेटचा भाव ४८५६० रुपये आहे. चेन्नईत २२ कॅरेट सोन्याचा भाव ४६११० रुपये आहे. २४ कॅरेटचा भाव ५०७२० रुपये झाला आहे. करोनाचा फैलाव रोखण्यासाठी देशात गेले तीन महिन्यांहून अधिककाळ सुरु असलेल्या लॉकडाउनचा सराफा व्यवसायाला मोठा फटका बसला आहे.चालू आर्थिक वर्षातील एप्रिल आणि मे महिन्यात ७९.१४ दशलक्ष डॉलर्सची आयात करण्यात आली. तर गेल्या आर्थिक वर्षात याच दोन महिन्यात ८.७५ अब्ज डॉलर्सचे सोने आयात करण्यात आले होते. सोने आयात निम्म्याहून जास्त घटल्याने सरकारी तिजोरीवरील ताण मात्र कमी झाला आहे. आर्थिक वर्ष २०२०-२१मधील सार्वभौम सुवर्णरोख्यांची चौथी मालिका आज, सोमवारपासून गुंतवणुकीसाठी उपलब्ध होणार आहे. एकूण सहा टप्प्यांत हे रोखे विक्रीला येणार आहेत. दरमहिन्याला एक याप्रमाणे एकेका टप्प्यात सुवर्णरोख्यांची विक्री केली जाणार आहे. या योजनेमध्ये १० जुलैपर्यंत गुंतवणुकीची संधी उपलब्ध होणार आहे. या योजनेंतर्गत प्रति ग्रॅम सोन्याची किंमत ४,८५२ रुपये इतकी निर्धारित करण्यात आली आहे. सोन्यामध्ये गुंतवणूक करण्याची इच्छा असणाऱ्यांसाठी हा एक चांगला पर्याय आहे. दुकानांमधून खरेदी करण्यात येणाऱ्या सोन्यावर घडणावळ शुल्क अर्थात मेकिंग चार्जेस द्यावे लागतात. सोन्याच्या किमतीवर तीन टक्के आणि मेकिंग चार्जेसवर ५ टक्के जीएसटी आकारला जातो. त्यामुळे सोन्याच्या किमतीत वाढ होते. मात्र, सार्वभौम सुवर्णरोखे योजनेतील सोनेखरेदीवर कोणत्याही प्रकारचा कर लागू होत नाही. हे रोखे असल्याने त्यावर मेकिंग चार्जही लागू होत नाही. दरम्यान, जळगावात गुरुवारी सोन्याच्या भावाने ५० हजार रुपयांचा टप्पा ओलांडला आहे. सकाळी सराफ बाजार उघडल्यानतंर सोन्याचा भाव ४९ हजार २०० तर जीएसटीसह ५१ हजार ५०० रुपयांवर पोहचला होता.
