काठमांडू: नेपाळमध्ये एका बाजूला राजकीय संकट वाढत असताना दुसरीकडे आता भारतीय खासगी वृत्तवाहिन्यांवर बंदी घालण्यात आली आहे. या बंदीतून दूरदर्शनला वगळण्यात आले आहे. भारतीय वृत्तवाहिन्यांविरोधात नेपाळमध्ये ऑनलाइन मोहीम सुरू झाल्यानंतर हा निर्णय घेण्यात आला. भारताविरोधी भूमिका घेतल्यानंतर नेपाळचे पंतप्रधान यांच्याबद्दल चुकीच्या बातम्या प्रसारीत करून त्यांची प्रतिमा डागळण्यात आली असल्याचा आरोप करण्यात आला आहे. भारतीय वृत्तवाहिनींवर बंदी घालण्याचा निर्णय नेपाळमधील केबल ऑपरेटर संघटनेने घेतला असल्याचे समजते. याबाबत कोणतीही अधिकृत घोषणा, आदेश सरकारच्यावतीने काढण्यात आले नाहीत. नेपाळचे पंतप्रधान केपी शर्मा ओली यांनी भारतविरोधी भूमिका घेतल्यानंतर त्यांच्याविरोधात सत्ताधारी नेपाळी कम्युनिस्ट पक्षात वातावरण तयार झाले आहे. ओली यांनी राजीनामा द्यावा यासाठी पक्षातंर्गत मागणी करण्यात येत आहे. तर, दुसऱ्या बाजूला राष्ट्रवादाच्या आधारे पंतप्रधान केपी शर्मा ओली आपल्या अपयशावर पांघरूण घालत असल्याचा आरोप करण्यात येत आहे. वाचा: वाचा: दरम्यान, भारतविरोधी भूमिका घेणाऱ्या नेपाळचे पंतप्रधान केपी शर्मा ओली यांची सत्ता वाचवण्यासाठी नेपाळमधील चिनी राजदूतांचा हस्तक्षेप सुरू आहे. नेपाळच्या राजकारणात उघडपणे चीनने हस्तक्षेप सुरू केल्यामुळे नेपाळमध्ये चीनच्या विरोधात रोष निर्माण होत आहे. चीनच्या या कृतीवर माजी अधिकाऱ्यांनी, राजनयिकांनी आणि राजकीय नेत्यांनी आक्षेप नोंदवला आहे. चीनच्या हस्तक्षेपामुळे नेपाळी कम्युनिस्ट पक्षाची बैठक दोन वेळेस पुढे ढकलण्यात आली. वाचा: नेपाळमधील चीनच्या राजदूत हाओ यांकी यांनी राष्ट्रपती विद्यादेवी भंडारी, नेपाळ कम्युनिस्ट पक्षाचे नेते माधव कुमार नेपाळ, झालानाथ खनल यांची भेट घेतली होती. याच दरम्यान पंतप्रधान केपी शर्मा ओली यांनी राजीनामा द्यावा याची मागणी जोर पकडत होती. नेपाळ कम्युनिस्ट पक्षाचे नेते पु्ष्प कमल दहल 'प्रचंड', झालानाथ खनल यांच्यासह ४४ पैकी ३० सदस्यांनी ३० जून रोदी ओली यांच्याकडे पंतप्रधानपदाचा राजीनामा आणि पक्षाध्यक्षपदाच्या राजीनाम्याची मागणी केली होती. त्यानंतर चीनच्या राजदूत हाओ यांकी यांच्या हालचाली वाढल्या.
