बीजिंग: करोनाच्या संकटाशी दोन हात करणाऱ्या चीनमध्ये आणखी एका आजार फैलावत आहे. या आजारामुळे सात जणांचा मृत्यू झाला असून ६० हून अधिकजणांना याची बाधा झाली आहे. या आजाराचा संसर्ग मानवांमध्ये पसरण्याची भीती असून चीनच्या प्रशासनाने सावधनता बाळगण्याचा इशारा दिला आहे. चीनच्या जियांग्सू प्रांतात सहा महिन्यात एसएफटीएस व्हायरसची (SFTS Virus)३७ हून अधिकजणांना बाधा झाली आहे. चीन सरकारचे वृत्तपत्र असलेल्या 'ग्लोबल टाइम्स'ने दिलेल्या वृत्तानुसार, चीनच्या अन्हुज्ञ प्रांतात २३ जणांना बाधा झाली असल्याचे समोर आले आहे. या संसर्गामुळे जियांग्सूची राजधानी नानजियांगच्या एका महिलेमध्ये सुरुवातीला खोकला आणि तापाची लक्षणे आढळली होती. डॉक्टरांना या महिलेच्या शरिरात ल्यूकोसाइट आणि प्लेटलेट कमी झाले असल्याचे आढळले. एक महिन्याच्या उपचारानंतर या महिलेला रुग्णालयातील डिस्चार्ज देण्यात आला. वाचा: वृत्तानुसार, अन्हुई आणि पूर्व चीनच्या झेजियांग प्रांतात कमीत कमी सात जणांचा मृत्यू झाला आहे. एसएफटीएस व्हायरस (SFTS Virus)हा नवीन आजार नाही. चीनमध्ये हा आजार २०११ मध्ये आढळला होता. विषाणू अभ्यासकांच्या दाव्यानुसार, हा आजार प्राण्यांच्या शरीरावर चिकटणाऱ्या किड्यापासून माणसांमध्ये फैलावतो आणि त्यानंतर बाधितांपासून इतरांमध्ये हा आजार फैलावण्याचा धोका आहे. वाचा: वाचा: दरम्यान, जागतिक आरोग्य संघटनेच्या तज्ञांनी करोना संसर्गाच्या शोधाच्या अनुषंगाने केलेला दौरा नुकताच आटोपला. त्यानंतर आता चीन व जागतिक आरोग्य संघटना करोना संसर्गाचे मूळ शोधण्याचा प्रयत्न करत आहेत. चीनच्या परराष्ट्र मंत्रालयाचे प्रवक्ते वांग वेनबिन यांनी पत्रकारांशी बोलताना सांगितले की, जागतिक आरोग्य संघटनेच्या तज्ञांनी दोन आठवड्यांच्या या दौऱ्या दरम्यान करोना संसर्गाचे उगमस्थान शोधण्यासाठी सहकार्याबाबत प्राथमिकदृष्ट्या चर्चा केली आहे. जगभरात करोनाबाधितांची संख्या एक कोटी ८९ लाखांहून अधिक झाली आहे. तर, मृतांची संख्या सात लाख ११ हजारापर्यंत आली आहे. करोनावर एक कोटी २१ लाख जणांनी मात केली आहे. अमेरिकेत करोनाचा सर्वाधिक संसर्ग फैलावला असून बाधितांची संख्या ४९ लाख झाली असून एक लाख ६१ हजारजणांचा मृ्त्यू झाला आहे. तर, ब्राझीलमध्ये २८ लाख ६२ हजारजणांना करोनाची लागण झाली आहे. तर, ९७ हजारजणांनी प्राण गमावले आहेत. भारतातही करोनाबाधितांची संख्या वाढत आहे. भारतात १९ लाख ६४ हजारजणांना करोनाची लागण झाली असून ४० हजारजणांचा मृत्यू झाला आहे.
