नवी दिल्ली : जर्मनीत १५ ऑगस्ट रोजी फ्रँकफर्टमध्ये पाकिस्तान आणि खलिस्तान समर्थकांनी काढलेल्या रॅलीला विरोध करताना एकटा भारतीय त्यांना नडलेला तुम्ही सोशल मीडियात व्हायरल झालेल्या व्हिडिओत पाहिलाच असेल.... हे खलिस्तानी समर्थक भारताचे पंतप्रधान नरेंद्र मोदी यांच्याविरुद्ध जर्मनीच्या रस्त्यावर आक्षेपार्ह घोषणाबाजी करत होते. त्यांना नडणाऱ्या मराठमोळ्या व्यक्तीचं नाव आहे ... प्रशांत फ्रँकफर्टमध्ये स्थायिक आहेत. संबंधित बातमी : या घटनेसंबंधी आमची सहकारी वेबसाईट 'टाईम्स नाऊ'नं प्रशांत वेंगुर्लेकरशी चर्चा केली. या माध्यमातून प्रशांतनं आपली भूमिका जगासमोर मांडलीय. प्रशांतच्या म्हणण्यानुसार, खलिस्तानी आंदोलक भारताविरुद्ध प्रदर्शन करत होते. काही वेळेपर्यंत त्यांनी हा व्हिडिओ रेकॉर्ड केला. हे आंदोलकांच्या लक्षात येताच त्यांनी प्रशांत यांना शिवीगाळ करण्याचा तसेच मारहाणीचा प्रयत्न केला. यावेळी प्रशांत यांनी स्थानिक पोलिसांची मदत घेतली. प्रशांतनं केलेल्या दाव्यानुसार, 'एका आंदोलकानं त्यांच्या हातातून तिरंगा हिसकावून फाडला'. त्यामुळे प्रशांत यांच्या रागाचा पारा चढला... आणि आपण त्यांना 'बाप हा बापच असतो' असं ठणकावून सांगितल्याचं प्रशांत यांनी म्हटलंय. आपण त्या आंदोलकांना शांतिच्या मार्गानं जाण्याचा आणि घृणा न पसरवण्याचं आवाहन केल्याचंही प्रशांत यांनी यावेळी म्हटलं. कोण आहे प्रशांत वेंगुर्लेकर? प्रशांत वेंगुर्लेकर हे व्यावसायानं सिव्हिल इंजिनिअर आहेत. ते सरकारसाठी काम करतात. गेल्या १० वर्षांपासून प्रशांत जर्मनीत स्थायिक झालेत. फ्रँकफर्टच्या 'माइन्ज' शहरात ते राहत असल्याचं त्यांनी आपल्या अकाऊंटवर उल्लेख केलाय. 'भारत मातेचा भक्त' म्हणणाऱ्या प्रशांत वेंगुर्लेकर यांचा हा व्हिडिओ सोशल मीडियावर काही वेळेतच चर्चेत आला होता. '२०१९ नंतर खासकरून अनुच्छेद ३७० हटवण्यात आल्यानंतर काश्मीर मुद्याला कसं हाताळावं? हे आंदोलकांना कळत नसल्याचंही' त्यांनी म्हटलंय. इतर बातम्या : वाचा : वाचा : वाचा :
