मुंबई : पेट्रोलियम आज सोमवारी कंपन्यांनी डिझेल दरात १५ पैसे कपात केली. रविवारी देखील डिझेलमध्ये २२ ते २५ पैशांची कपात केली होती. पेट्रोलच्या किमतीत कोणताही बदल करण्यात आला नाही. आजच्या दर कपातीने मुंबईत ७८ रुपयांपर्यंत खाली आला आहे. तर पेट्रोल ८७.८२ रुपयांवर कायम आहे. आजच्या दर कपातीने मुंबईत प्रती लीटर ८७.८२ रुपये झाला आहे. डिझेल ७७.८७ रुपये झाले आहे. दिल्लीत आजचा पेट्रोलचा भाव ८१.१४ रुपये असून डिझेलचा भाव ७१.४३ रुपये आहे. चेन्नईत पेट्रोल ८४.२१ रुपये असून डिझेल ७६.८५ रुपये झाला आहे. कोलकात्यात पेट्रोल ८२.६७ रुपये आहे. डिझेल ७४.९४ रुपये प्रती लीटरपर्यंत घसरले आहेत. जागतिक बाजारात कच्च्या तेलाच्या किमतींमधील घसरणीमुळे देशांतर्गत सुरु आहे. याआधी गेल्या आठवड्यात शनिवारी २० पैसे आणि रविवारी २२ पैशांनी डिझेल स्वस्त झाले होते. शुक्रवारी पेट्रोल २६ पैसे आणि डिझेल ३७ पैशांनी स्वस्त झाले होते. गुरुवारी पेट्रोल आणि डिझेलमध्ये १३ ते २० पैशांची कपात झाली. बुधवारी इंधन दर स्थिर ठेवले होते. मंगळवारी कंपन्यांनी पेट्रोल दरात १७ पैसे आणि डिझेलमध्ये २२ पैशांची कपात केली. तर सोमवारी पेट्रोल १४ पैसे आणि डिझेल १५ पैशांनी स्वस्त झाले होते. कच्च्या तेलाच्या दरात ४.९ टक्क्याची वाढ होऊन ते ४०.२ डॉलर प्रती बॅरलवर स्थिरावले. अमेरिकी तेल उत्पादन क्षमतेला वादळाचा फटका बसल्याने तेलसाठ्यात घट झाली. परिणामी क्रूडच्या दरांना आधार मिळाला. सॅली नावाचे चक्रिवादळ अमेरिकेतील आखाती किनाऱ्यावर धडकल्यामुळे अमेरिकी किनारपट्टीवरील एकूण तेल उत्पादनापैकी एक पंचमांशांपेक्षा जास्त प्रक्रियेवर परिणाम झाला. तसेच प्रमुख निर्यात क्षेत्र बंद ठेवावे लागले आहेत. अमेरिकेच्या अंतर्गत विभागाच्या अहवालानुसार, जवळपास मेक्सिकोतील गल्फचे दररोज ५००,००० बॅरलचे उत्पादन ठप्प झाले. दरम्यान, इंधन मागणी वाढली असल्याचे सप्टेंबरच्या पहिल्या पंधरवड्यात दिसून आले आहे. पेट्रोलची विक्रीचे प्रमाण करोना पूर्व स्थितीला गेले आहे. १ ते १५ सप्टेंबर या या काळात पेट्रोल विक्रीत २.२ टक्के वाढ झाली. ९६५००० टन पेट्रोलचा देशभरात या कालावधीत खप झाला. डिझेल मात्र तुलनेने कमी विक्री झाली. १ ते १५ सप्टेंबर या काळात २१३०००० टन डिझेलची विक्री झाली.
