लंडन: ब्रिटनमध्ये करोना लशीची पहिली खेप येणार असल्याची जोरदार चर्चा असून लशीकरणासाठी तयारी करण्याचेही निर्देश देण्यात आले आहेत. मात्र, या लशींबाबत ब्रिटनच्या 'युके वॅक्सीन टास्क फोर्स'चे अध्यक्ष केट बिंघम यांनी महत्त्वाचे वक्तव्य केले आहे. पहिल्या खेपेतील लस ही सगळ्यांवरच प्रभावी ठरेल अशी शक्यता नसल्याचे त्यांनी म्हटले आहे. या लशींमध्ये काही त्रुटी असण्याचीही शक्यता त्यांनी व्यक्त केली. वैद्यकीय नियतकालिक 'द लॅसेंट'मध्ये बिंघम यांनी म्हटले की, लस कधीपर्यंत येईल हे आम्ही ठामपणे सांगू शकत नाही. मात्र, सकारात्मकता म्हणून नियमांमध्ये अधिक सवलत देण्यांचीही आवश्यकता नाही. हे धोकादायक ठरण्याची शक्यता आहे. करोना लशीच्या पहिल्या खेपेत काही त्रुटी असण्याची शक्यता आहे. त्यामुळे ही लस करोनाचा आजार पूर्णपणे बरा करेल असे समजण्याचे कारण नाही. मात्र, या लशींमुळे करोनाची लक्षणे मात्र, कमी होतील, असेही त्यांनी सांगितले. त्याशिवाय सर्वच वयोगटातील बाधितांवर ही लस प्रभावी ठरेल याची शक्यता नसल्याचे त्यांनी स्पष्ट केले. ६५ वर्षांवरील नागरिकांना प्रभावी लशीसाठी आणखी काही काळ प्रतिक्षा करावी लागण्याची शक्यता असल्याचे त्यांनी सांगितले. वाचा: लस विकसित झाल्यानंतर त्याचे वितरण करणे हे आव्हानात्मक असल्याचे त्यांनी सांगितले. करोनासारखे आजार वारंवार फैलावण्याचाही धोका असणार असल्याचे त्यांनी स्पष्ट केले. ब्रिटनमध्ये करोनाची लस देण्यासाठी आवश्यक ती तयारी करण्याचे निर्देश देण्यात आले आहेत. नोव्हेंबर महिन्याच्या पहिल्याच आठवड्यात लस उपलब्ध होणार असल्याचे वृत्त स्थानिक माध्यमांनी दिले आहे. वाचा: वाचा: ऑक्सफर्ड-एस्ट्राजेनकाच्या लशीबाबत चांगली बातमी दिली आली आहे. ऑक्सफर्ड-एस्ट्राजेनका विकसित करत असलेली वृद्धांवर परिणामकारक ठरत असल्याचे चाचणीत समोर आले आहे. करोनाच्या संसर्गाचा सर्वाधिक धोका वृद्धांना असल्याचे समोर आले आहे. त्या पार्श्वभूमीवर ही लस दिलासादायक ठरणार आहे. 'रॉयटर्स' या वृत्तसंस्थेन दिलेल्या वृत्तानुसार, आतापर्यंत चाचणी सुरू असलेल्या काही लशी या वृद्धांसाठी परिणामकारक ठरल्या नाहीत. या लशींमुळे विषाणूंविरोधात अॅण्टीबॉडी तयार होत नसल्याचे समोर आले आहे. तर, ऑक्सफर्ड-एस्ट्राजेनकाची लस वृद्धांसाठी परिणामकारक ठरली आहे. ही लस अॅण्टीबॉडीज आणि टी-सेलची निर्मिती करत असल्याचे आढळून आले आहे. याबाबतचे संशोधन लवकरच संशोधन नियतकालिकेत प्रकाशित होणार आहे. ऑक्सफर्ड आणि एस्ट्राजेनेकाकडून मात्र, याबाबत कोणतेही अधिकृत माहिती समोर आली नाही.
