वॉशिंग्टन: अमेरिकेचे नियोजित राष्ट्राध्यक्ष यांनी आपल्या मंत्रिमंडळाची घोषणा केली आहे. बायडन यांच्या मंत्रिमंडळात विविध घटकांना प्रतिनिधीत्व देण्यात आले आहे. कमला हॅरीस या उपराष्ट्रपती असणार असून त्या अमेरिकेच्या पहिल्या महिला उपराष्ट्रपती असणार आहे. तर, गुप्तचर विभागाची जबाबदारी पहिल्यांदाच महिलेकडे सोपवण्यात आली आहे. बायडेन यांच्या प्रशासनाचे प्रमुख रॉन क्लेन असणार आहेत. आधुनिक इतिहासातील सर्वांत विविधता असणारे सरकार स्थापन करू, अशी ग्वाही बायडेन यांनी दिली होती. त्याचेच प्रतिबिंब मंत्रिमंडळात उमटले असल्याची चर्चा सुरू आहे. अमेरिकेच्या परराष्ट्र खात्याची धुरा एंटनी ब्लिंकेन यांच्याकडे असणार आहे. ब्लिंकेन हे ओबामा यांच्या राष्ट्राध्यक्षपदाच्या कार्यकाळात राजनयिक अधिकारी होते. बायडन यांच्या निवडणूक प्रचार मोहिमेत त्यांनी परराष्ट्र धोरणाचे सल्लागार म्हणूनही काम केले. ब्लिंकेन हे कायम भारतासोबत मैत्रीपूर्ण संबंध असावेत या मताचे आहेत. बायडन यांनी राष्ट्रीय सुरक्षा सल्लागारपदी जेक सुलविन यांची नियुक्ती करण्यात आली आहे. तर, अलेजांद्रो मेयरकास यांच्याकडे अमेरिकेच्या देशांगर्त सुरक्षेची जबाबदारी असणार आहे. त्यांना होमलँड सिक्युरिटी प्रमुख करण्यात आले आहे. जो बायडन यांनी माजी परराष्ट्र मंत्री जॉन कॅरी यांच्यावर हवामान बदलाबाबतच्या खात्याची जबाबदारी सोपवली आहे. हवामान बदलाबाबत झालेल्या पॅरिस करार लागू करण्यास जॉन कॅरी यांची महत्त्वाची भूमिका होती. संयुक्त राष्ट्र संघात विशेष दूत म्हणून लिंडा ग्रीनफिल्ड यांची निवड करण्यात आली आहे. ऐवपीव हेन्स यांच्याकडे गुप्तचर विभागाची जबाबदारी सोपवण्यात आली आहे. ही जबाबदारी पार पाडणाऱ्या त्या पहिल्याच महिला ठरणार आहेत. वाचा: अमेरिकेचे अध्यक्ष डोनाल्ड ट्रम्प यांच्याकडून नियोजित अध्यक्ष जो बायडेन यांच्या सत्ताग्रहणासाठी अडथळे उभे करण्याचे प्रयत्न सुरू होते. मात्र, बायडेन यांच्याकडून सरकार स्थापन करण्यासाठी तयारी करण्यात येत आहे. करोनाच्या प्रादुर्भावाच्या पार्श्वभूमीवर, जानेवारीमध्ये शपथविधी कसा आयोजित करायचा, याविषयीही नियोजन करण्यात येत आहे. वाचा: शपथविधी कसा होणार? करोनाच्या प्रादुर्भावाच्या पार्श्वभूमीवर, बायडेन यांच्याकडून शपथविधीची तयारी करण्यात येत आहे, असे प्रशासनाचे प्रमुख रॉन क्लेन यांनी सांगितले. ते म्हणाले, 'करोनामुळे या वेळचा सोहळा नेहमीप्रमाणे होणार नाही. त्यामुळे, आमचे प्रतिनिधी डेमोक्रॅटिक पक्षाच्या सिनेट व लोकप्रतिनिधीगृहातील नेत्यांबरोबर सातत्याने चर्चा करत आहेत. या सोहळ्यातील सन्मान आणि प्रतिकात्मक महत्त्व कायम ठेवायचे आहे. मात्र, यातून करोनाचा प्रादुर्भाव वाढणार नाही, याची काळजी घेणे, हे आमचे ध्येय आहे.' वाचा: 'संबंध सुधारण्याची स्वप्ने पाहू नका' अमेरिकच्या अध्यक्षपदी जो बायडन आल्यानंतर, अमेरिका-चीन संबंध सुधारतील असे स्वप्न बघू नये, असा सल्ला चीन सरकारच्या एका सल्लागाराने दिला आहे. तसेच, चीनने अमेरिकेच्या कडक धोरणांना तयार राहायला हवे, अशी सूचनाही त्यांनी केली आहे. झेंग योंगनियान असे या सल्लागाराचे नाव असून, ते 'अॅडव्हान्स्ड इन्स्टिट्यूट ऑफ ग्लोबल अँड कन्टेम्पररी चायना स्टडीज' या अभ्यासगटाचे अधिष्ठाता आहेत. ते म्हणाले, 'अमेरिकेबरोबरील संबंध दुरुस्त करण्यासाठी चीन सरकारने प्रत्येक संधीचा उपयोग करावा. दोन्ही देशांमधील मधुर संबंधांचे जुने दिवस संपले आहेत. शीतयुद्ध काळातील खुमखुमी असणारे अनेक अमेरिकी नागरिक अनेक वर्षांपासून तयारी करत होते. त्यामुळे, सध्याची परिस्थिती एका रात्रीत नष्ट होणार नाही.'
