नवी दिल्ली: corona virus in india-भारतात २ नोव्हेंबर, म्हणजेच सोमवारी सकाळपर्यंत गेल्या २४ तासांत करोनाचे ४५ हजार २३१ नवे रुग्ण आढळले आहेत. या बरोबरच देशात करोनाच्या एकूण रुग्णांचा आकडा ८२ लाखांच्या पुढे गेला आहे. तसेच एका दिवसात एकूण ४९६ रुग्णांचा मृत्यू झाला आहे. गेल्या २४ तासांमध्ये ५३,२८५ रुग्ण बरे झाले आहेत. रविवारी सकाळी ४६ हजार ९६३ नवे रुग्ण आढळले होते, तर एकूण मृत्यू ४७० इतके झाले होते. (45231 new covid 19 cases registered in last 24 hours in india) सोमवारी आलेल्या आकडेवारीनंतर आता देशातील करोना रुग्णांची एकूण संख्या ८२ लाख २९ हजार ३१३ वर पोहोचली आहे. देशात एकूण सक्रिय रुग्णांची संख्या ५ लाख ६१ हजार ९०८ इतकी आहे. आतापर्यंत या विषाणूने देशात एकूण १ लाख २२ हजार ६०७ लोकांचा बळी घेतला आहे. तर, आतापर्यंत एकूण ७५ लाख ४४ हजार ७९८ रुग्ण बरे झाले आहेत. देशात करोनाचा रुग्ण बरे होण्याचा दल ९१.७ टक्क्यांवर आहे. तर मृत्युदर १.५ टक्के आहे. दररोजचा पॉझिटीव्हिटीचा दर ५.३ टक्क्यांवर आहे. गेल्या २४ तासांमध्ये देशभरात एकूण ८ लाख ५५ हजार ८०० इतक्या नमुन्यांच्या चाचण्या करण्यात आल्या. तर आतापर्यंत देशात एकूण ११ कोटी ७ लाख ४३ हजार १०३ इतक्या नमुन्यांच्या चाचण्या घेण्यात आल्या. क्लिक करा आणि वाचा बातमी: गेल्या ७ दिवसांमध्ये नोंद झालेल्या रुग्णांची स्थिती अशी आहे- २ नोव्हेंबर ४५,२३१ १ नोव्हेंबर - ४६,९६३ ३१ ऑक्टोबर - ४८,२६८ ३० ऑक्टोबर - ४८,६४८ २९ ऑक्टोबर - ४९,८८१ २८ ऑक्टोबर - ४३,८९३ २७ ऑक्टोबर - ३६,४७० क्लिक करा आणि वाचा बातमी: क्लिक करा आणि वाचा बातमी:
