लंडन: ब्रिटनमध्ये मंगळवारपासून सुरू करण्यात आले असून फायजर-बायोएनटेकने विकसित केलेली लस देण्यात येत आहे. करोना लसीकरणात दोघांची प्रकृती बिघडल्याने चिंतेचे वातावरण निर्माण झाले. त्यामुळे ब्रिटनच्या राष्ट्रीय आरोग्य सेवेने तातडीने इशारा जारी केला. करोना लसीकरण मोहीम सुरू केल्यानंतर २४ तासांमध्ये साइड इफेक्टस जाणवल्याने ब्रिटन सरकारची चिंता वाढली. लसीचे साइड इफेक्टस झालेले दोघेहीजण आरोग्य कर्मचारी आहेत. जारी केला इशारा ब्रिटनच्या नॅशनल हेल्थ सर्व्हिसने (एनएचएस) सांगितले की, या लसीमुळे झालेले दुष्परिणाम हे एलर्जीमुळे झाले आहेत. या प्रकारानंतर आता ब्रिटनच्या आरोग्य विभागाने सूचना जारी केली आहे. ज्या नागरिकांना, लस, औषध अथवा इतर प्रकारची एलर्जी असल्यास त्यांनी फायजरची लस न घेण्याचे निर्देश दिले आहेत. लसीकरण सुरू असलेल्या रुग्णालयांमध्ये ही सूचना देण्यात आली आहे. त्यामुळे एलर्जी असलेल्या नागरिकांना आता लस देण्यात येणार नाही. वाचा: ब्रिटनमध्ये ७० लाखांहून अधिकजणांना एलर्जी ब्रिटीश मेडिसिन्स अॅण्ड हेल्थकेअर प्रोडक्टस रेग्युलेटरीनुसार, ब्रिटनमध्ये गंभीर स्वरुपाची एलर्जी असलेल्या नागरिकांची ठोस आकडेवारी नाही. मात्र, एका अंदाजानुसार, ब्रिटनमध्ये ७० लाख लोकांना खाद्यपदार्थ, औषध आणि लसीची एलर्जी आहे. त्यामुळे एलर्जी असलेल्यांना आता फायजरची लस देता येणार नाही. वाचा: 'त्या' दोघांच्याही प्रकृतीत सुधारणा लस टोचल्यामुळे दोन आरोग्य कर्मचाऱ्यांची प्रकृती बिघडली होती. आता मात्र, त्यांच्या प्रकृतीत सुधारणा होत असून काळजी करण्याची आवश्यकता नसल्याची माहिती देण्यात आली आहे. या दोन्ही आरोग्य कर्मचाऱ्यांना Anaphylactoid Reactions झाली होती. वाचा: दररोज पाच ते सात हजारजणांना लस ब्रिटनमध्ये दररोज पाच ते सात हजारजणांना लस देण्यात येत आहे. फायजरच्या लशीचे आठ लाख डोस रुग्णालयात पोहचवण्यात आले आहेत. ब्रिटनमध्ये लसीकरणा दरम्यान दोघांना साइड इफेक्ट झाले असल्याची माहिती समजल्याचे फायजरच्या अधिकाऱ्याने सांगितले. याबाबत फायजर आणि बायोएनटेककडून सहकार्य केले जात असल्याचेही या अधिकाऱ्याने स्पष्ट केले.
