मुंबई- सुपरस्टार सोशल मीडियावर खूप अॅक्टिव आहे. आपल्या चाहत्यांसाठी तो नवनवीन फोटो आणि व्हिडिओ शेअर करत असतो. सिनेमांचं प्रमोशन करण्यासोबतच सलमान चाहत्यांना फिटनेसचं महत्त्वही वेळोवेळी सांगत असतो. अलीकडेच सलमानने इन्स्टाग्रामवर त्याचा एक शर्टलेस फोटो शेअर केला आहे. यात त्याचं पिळदार शरीर पाहून अनेकांना तो पन्नाशीमध्ये आहे याचा विश्वासच बसत नाही. फोटोत सलमान त्याच्या जिममध्ये दिसत आहे. हा फोटो शेअर करताना सलमान खानने कॅप्शनमध्ये 'बीइंग स्ट्राँग' असे लिहिले. नेहमीप्रमाणे सलमानचा हा फोटोही सोशल मीडियावर तुफान व्हायरल होत आहे. यासोबतच त्याच्या चाहत्यांनी फोटोवर कमेंट आणि लाइक करायला सुरुवात केली. प्रत्येकजण त्याच्या परिश्रमाचं आणि त्याच्या पिळदार शरीराचं कौतुक करत आहेत. सध्या सलमान खान त्याच्या आगामी ‘’ या सिनेमाच्या चित्रीकरणात व्यग्र आहे. प्रभू देवा दिग्दर्शित या सिनेमात सलमानसोबत दिशा पाटणी, जॅकी श्रॉफ आणि रणदीप हूडा यांच्याही महत्त्वपूर्ण भूमिका आहेत. पुढच्या वर्षी सिनेमा चित्रपटगृहात प्रदर्शित करण्याचा विचार सिनेमाची टीम करत आहे. या सिनेमानंतर सलमान पुन्हा 'कभी ईद कभी दिवाली' सिनेमाच्या चित्रीकरणाला सुरुवात करणार आहे. या सिनेमात त्याच्यासोबत पहिल्यांदाच पूजा हेगडे काम करणार आहे.
