सिद्दीपेट, : करोना संक्रमणाच्या संकटकाळात अनेकांसाठी '' बनून धावून आलेल्या अभिनेता सोनू सूदला आता त्याच्या चाहत्यांनी चक्क 'देवा'च्याच जागी बसवल्याचं दिसून येतंय. सोनू सूदच्या मानवतावादी कामाच्या सन्मानार्थ तेलंगणाच्या काही ग्रामस्थांनी एक '' उभारलंय. तेलंगणाच्या गावातील ग्रामस्थांनी सिद्दीपेट जिल्हा प्रशासनाच्या मदतीनं सोनू सूद मंदिर उभारलंय. या मंदिरात रविवारी सोनू सूदच्या मूर्तीचंही अनावरण करण्यात आलं. या दरम्यान आरतीही करण्यात आली तसंच पारंपरिक वेशभूषेसह स्थानिक महिलांनी अनेक लोकगीतंही गायली. मंदिराच्या सदस्यांनी दिलेल्या माहितीनुसार, सोनू सूदनं कोणताही भेदभाव न करता सर्व राज्यांच्या लोकांना मदत केली. त्याचमुळे गावातील नागरिकांनी सोनूचं मंदिर बनवण्याचा निर्णय घेतला. यावेळी, सोनूसाठी अनेकांनी प्रार्थना केली. करोना संकटकाळात अभिनेता सोनू सूदनं मुंबईत अडकून पडलेल्या अनेक गरिब, मजुरांना त्यांच्या घरी बनवण्याचं काम केलं होतं. करोना संकटादरम्यान सोनू सूदनं अडचणीत अडकलेल्या लोकांना अनेक पद्धतीनं मदत केली होती. अनेक लोकांनी थेट सोशल मीडियावर सोनूकडे मदतीची याचना केली होती आणि शक्य तेव्हढी मदत सढळ हस्ते करणारा सोनू अनेकांच्या चर्चेचा विषय ठरला होता. गरीबांना मदत करण्यासाठी सोनू सूदनं आपली मालमत्ताही तारण म्हणून ठेवल्याचं समोर आलं होतं. एका रिपोर्टनुसार, प्रवासी मजुरांना आपापल्या घरी पोहचवण्यासाठी, त्यांच्या खाण्या-पिण्याची व्यवस्था करण्यासाठी, गरजुंना घरं उपलब्ध करून देण्यासाठी, मुलांच्या शिक्षणासाठी, बेरोजगारांना रोजगार मिळवून देण्यासाठी तसंच गरीबांच्या उपचारासाठी सोनूनं मुंबईतील जुहू भागातील आपल्या आठ मालमत्ता तारण ठेवल्या होत्या. या माध्यमातून त्यानं १० कोटी रुपये जमवले होते. वेब पोर्टल 'मनी कंट्रोल'नं आपल्याकडे यासंदर्भातील कागदपत्र उपलब्ध असल्याचं म्हटलं होतं. ही कागदपत्रं सोनूच्या जुहूस्थित दोन दुकान आणि सहा फ्लॅट तारण ठेवल्यासंबंधात आहेत.
