मुंबई : घनकचरा व्यवस्थापन क्षेत्रातील देशातील आघाडीची कंपनी असलेल्या अँटनी वेस्ट हँडलिंग सेल या कंपनीने भांडवल उभारणी करण्याचा निर्णय घेतला आहे. कंपनीने ३०० कोटींचे शेअर विक्री करण्याची योजना आणली आहे.(antony waste handling cell limited Open) अँटनी वेस्ट हँडलिंग सेल लिमिटेडने शनिवारी घोषित केल्याप्रमाणे इनिशियल शेअर विक्रीच्या आधी कंपनीने अँकर गुंतवणूकदारांकडून ९० कोटी रुपये उभारले आहेत. कंपनीचा पब्लिक सब्स्क्रिप्शनसाठी आज सोमवारी खुला झाला आहे.अँटनी वेस्ट हँडलिंग सेलने जारी केलेल्या निवेदनानुसार कंपनीने ८९.९९ कोटी रुपये उभे करण्यासाठी १० अँकर गुंतवणूकदारांना प्रति समभाग ३१५ रुपये या किमतीने २८५७००३ समभाग दिले आहेत. अँकर गुंतवणूकदारांमध्ये मॅसॅचूसेट्स इन्स्टिट्यूट ऑफ टेक्नॉलॉजी, टाटा एआयजी जनरल इन्श्युरन्स कंपनी लिमिटेड, एसबीआय इक्विटी सेविंग्स फंड, एसबीआय इन्फ्रास्ट्रक्चर फंड आणि इतरांचा समावेश आहे. आयपीओमध्ये ८५ कोटी रुपयांच्या नव्याने जारी करण्यात आलेल्या समभागांचा आणि सध्याच्या समभागधारकांकडून ६८२४९९३ समभागांच्या ऑफर-फॉर-सेलचा समावेश आहे. टनब्रिज (मॉरिशस) लिमिटेड, लीड्स (मॉरिशस) लिमिटेड, केम्ब्रिज (मॉरिशस) लिमिटेड आणि गिल्डफोर्ड (मॉरिशस) लिमिटेड हे ऑफर-फॉर-सेलमार्फत समभाग विक्रीसाठी देणार आहेत. आयपीओसाठी प्राईस बँड प्रति समभाग ३१३ ते ३१५ रुपये निश्चित करण्यात आला आहे. अँटनी वेस्ट हँडलिंग सेल ही घनकचरा व्यवस्थापन क्षेत्रातील देशातील आघाडीची कंपनी आहे. २१ डिसेंबर ते २३ डिसेंबर या कालावधीत हा इश्यू पब्लिक सब्स्क्रिप्शनसाठी खुला असणार आहे. प्राईस बँडच्या वरच्या पातळीवर या आयपीओमधून ३०० कोटी रुपये उभारले जातील अशी अपेक्षा आहे. फ्रेश इश्यूमधून मिळणारी रक्कम उपकंपन्यांमध्ये गुंतवणुकीमार्फत पिंपरी-चिंचवड महानगरपालिकेच्या 'कचरा ते ऊर्जा' प्रकल्पासाठी काही प्रमाणात वित्त पुरवठ्यासाठी वापरली जाणार आहे. तसेच कंपनीची कर्ज कमी करणे आणि सर्वसामान्य कॉर्पोरेट उद्देशांसाठी देखील याचा वापर केला जाणार आहे. इक्विरस कॅपिटल आणि आयआयएफएल सिक्युरिटीज हे या इश्यूचे बुक रनिंग लीड मॅनेजर्स आहेत. हे इक्विटी शेयर्स मुंबई शेयर बाजार (बीएसई) आणि राष्ट्रीय शेयर बाजारात (एनएसई) मध्ये सूचिबद्ध होण्यासाठी प्रस्तावित आहेत. याआधी या कंपनीने मार्च महिन्यात गुंतवणूकदारांच्या निरुत्साही प्रतिक्रिया आणि शेयर बाजार अतिशय कमजोर पडल्यामुळे आपला आयपीओ मागे घेतला होता.
https://ift.tt/3atVLbS