मुंबई : देशभरात सलग १५ व्या दिवशी पेट्रोल आणि डिझेलचा दर स्थिर आहेत. दुसरीकडे जागतिक बाजारात मात्र कच्च्या तेलाचा भाव ५० डॉलरवर कायम आहे. मागील दोन आठवड्यात मुंबई, दिल्ली, चेन्नई आणि कोलकात्यात पेट्रोल आणि डिझेलचा दर स्थिर आहे. आज मुंबईत पेट्रोलचा भाव एक लिटरसाठी ९०.३४ रुपये आहे. ८०.५१ रुपये आहे. दिल्लीत पेट्रोलने ८३ रुपयांचा टप्पा ओलांडला आहे. दिल्लीत पेट्रोलचा भाव ८३.७१ रुपये झाला आहे. डिझेलचा भाव ७३.८७ रुपये आहे. त्याशिवाय चेन्नईत देखील आज पेट्रोल आणि डिझेलमध्ये वाढ झाली आहे. पेट्रोलचा भाव ८६.५१ रुपये झाला असून डिझेल ७७.४४ रुपये झाले आहे. कोलकात्यात एक लिटर पेट्रोलचा भाव ८५.१९ रुपये असून डिझेल ७७.४४ रुपये आहे. ब्रिटनमध्ये नव्या करोना व्हायरसने एकच खळबळ उडाली आहे. यामुळे अनेक देशांनी ब्रिटनला जोडणारी विमान सेवा खंडीत केली आहे. तेथे पुन्हा टाळेबंदी जाहीर करण्यात आहे. स्पेन, जर्मनी, इटली हे देश पुन्हा सतर्क झाले आहेत. या घडामोडी कच्च्या तेलाच्या बाजारपेठेसाठी मात्र नकारात्मक ठरत आहे. पुन्हा लॉकडाउनमुळे तेलाची मागणी घसरण्याची शक्यता आहे. आज मंगळवारी सिंगापूरमध्ये कच्च्या तेलाच्या भावात घसरण झाली आहे. कच्च्या तेलाचा भाव प्रती बॅरल १.३६ डॉलरने घसरला आणि ४७.७४ डॉलर झाला. ब्रेंट क्रूडचा भाव १.३५ डॉलरने घसरला आणि ५०.९१ डॉलर झाला. त्याआधी सात आठवडे तेलाचा भाव तेजीत आहे. ज्यामुळे तेलाचा भाव ५० डॉलरवर गेला आहे. ओपेक अर्थात ऑर्गनायझेशन ऑफ पेट्रोलियम एक्सपोर्टिंग कंट्रिज व सदस्य राष्ट्रांनी विक्रमी उत्पादन कपात केल्याने तेल बाजारात संतुलन राखले गेले. जानेवारी महिन्यात ओेपेक समूह पुरवठ्यावरील निर्बंध कमी करणार असून ५००,००० बॅरल प्रतिदिन एवढी पुरवठ्यात भर पडेल. तेल बाजाराला आणखी आधार मिळण्यासाठी ही पुरवठ्यातील वाढ कमी गतीने करण्यात येईल. जागतिक बाजारात मागील १३ नोव्हेंबरपासून कच्च्या तेलाचा भाव वाढत आहे. त्यात आतापर्यंत १८ टक्के वाढ झाली आहे. बार्कलेज या संस्थेच्या अंदाजानुसार प्रती बॅरल १० डॉलरची वाढ झाल्यास पेट्रोल आणि डिझेलमध्ये सरासरी ५.८ रुपये लीटरमागे वाढ होते. तर यामुळे महागाई दरात किमान ०.३४ टक्क्याची वाढ होते. पुढील तीन ते सहा महिन्यात महागाईचा भडका उडेल, असा अंदाज वर्तवण्यात आला आहे.
