बलिया : करोना संकटादरम्यान उत्तर प्रदेशातील बहुजन समाज पक्षाचे अध्यक्ष चर्चेत आलेत. राजभर यांनी करोना संकट दूर ठेवण्यासाठी एक गजब पण वादग्रस्त उपाय सुचवल्यानंतर ते चर्चेचा विषय ठरलेत. नागरिकांनी '' जास्त प्रमाणात घेतली तर ते करोना विषाणूपासून स्वत:चं संरक्षण करू शकतात, असा दावा बसपाचे नेते भीम राजभर यांनी केलाय. 'ताडी'चा एक एक थेंब गंगेच्या पाण्याहून शुद्ध आणि पवित्र असल्याचंही त्यांनी म्हटलंय. तसंच 'ताडी'मुळे रोगप्रतिकारक क्षमता वाढते, असंही राजभर यांचं म्हणणं आहे. उत्तर प्रदेशातील बलियामध्ये आयोजित करण्यात आलेल्या बहुजन समाज पक्षाच्या एका जाहीर कार्यक्रमात ते बोलत होते. 'लोकांनी ताडी जास्त प्रमाणात घेतली तर करोना व्हायरस त्यांच्यापर्यंत पोहचूही शकणार नाही. राजभर समाजात मुलांचं बालपण ताडी बनवण्यापासून सुरू होतं' असं म्हणणारे राजभर आता वादात सापडलेत. 'ताडी' करोनापासून वाचण्यासाठी कशी मदत करू शकते? याचं मात्र कोणतंही प्रमाणपत्र किंवा वैद्यकीय पुरावा राजभर यांना देता आलेला नाही. यावर, सुहेलदेव भारतीय समज पक्षाचे अध्यक्ष आणि उत्तर प्रदेशचे माजी मंत्री यांनी जोरदार टीका केलीय. 'काही लोक बाष्कळ बडबड करून राजभर समाजाच्या लोकांची दिशाभूल करण्याचा प्रयत्न करत आहेत. जनतेनं अशा लोकांपासून सावध राहायला हवं. समाजतल्या अशा लोकांना बसपानं डोक्यावर बसवलंय' असं म्हणत त्यांनी भीम राजभर आणि बसपावर तोंडसुख घेतलं. वाचा : वाचा :
