कांगडा : हिमाचल प्रदेशाचे आणि भारतीय जनता पक्षाचे ज्येष्ठ नेते यांची पत्नी यांचं करोनामुळे निधन झालंय. त्या ७३ वर्षांच्या होत्या. मंगळवारी पहाटे कांगडाच्या टांडा मेडिकल महाविद्यालयात त्यांनी अखेरचा श्वास घेतला. (Shanta Kumar's wife ) चार दिवसांपूर्वी आढळल्यानंतर संतोष शैलजा यांना टांडाच्या वैद्यकीय महाविद्यालयात दाखल करण्यात आलं होतं. मिळालेल्या माहितीनुसार, शांता कुमार यांचं संपूर्ण कुटुंबच करोना संक्रमित असल्याचं समोर आलंय. त्यांच्यावर रुग्णालयात उपचार सुरू आहेत. माजी मुख्यमंत्री शांता कुमार यांच्या पत्नीच्या करोनामुळे झालेल्या निधनानं संपूर्ण हिमाचल प्रदेशला धक्का बसलाय. हिमाचलचे मुख्यमंत्री जयराम ठाकूर यांनीही या घटनेवर शोक व्यक्त केला आहे. 'आमचे ज्येष्ठ नेते आणि माजी मुख्यमंत्री आदरणीय शांता कुमार यांची धर्मपत्नी श्रीमती संतोष शैलजा यांच्या निधनाची दु:खद बातमी समजल्यानं दु:खी आहे. ईश्वर दिवंगत आत्म्याला शांती तसंच संपूर्ण कुटुंबाला हे दु:ख सहन करण्याची शक्ती प्रदान करो' असं ट्विट जयराम ठाकूर यांनी केलंय. शैलजा यांच्यावर कांगडा जिल्ह्यातील डॉ. राजेंद्र प्रसाद सरकारी वैद्यकीय महाविद्यालयात उपचार सुरू होते. त्यांच्या कुटुंबाती चार इतर सदस्य, त्यांचा खासगी सचिव, सुरक्षा आधिकारी तसंच चालकही संक्रमित आढळले आहेत. पंतप्रधान नरेंद्र मोदी यांनी शांता प्रसाद यांच्या कुटुंबीयांची विचारपूस करण्यासाठी रविवारी त्यांच्याशी संपर्क साधला होता. हिमाचल प्रदेशातील करोना आकडेवारी उल्लेखनीय म्हणजे, हिमाचल प्रदेशात थांबण्याचं काही नाव घेताना दिसत नाही. करोनामुळे होणाऱ्या मृत्यूंचं प्रमाण वाढतच चाललंय. कांगडा जिल्ह्यात आत्तापर्यंत ७६२४ लोक करोना संक्रमित आढळले आहेत. यामधील ५७६ रुग्णांवर उपचार सुरू आहेत तर १८४ जणांचा मृत्यू झालाय. पर्यटकांचा ओढा हिमाचलकडे चिंताजनक म्हणजे, लॉकडाऊन शिथिल झाल्यानंतर वर्षाचा शेवट करण्यासाठी हजारो पर्यटकांची पावले हिमाचल प्रदेशाकडे वळलेली दिसत आहेत. रविवारी, हिमाचल प्रदेशातील मनाली आणि लाहौल खोऱ्याला जोडणाऱ्या अटल बोगद्यातून ५४५० वाहनांनी प्रवास केल्याचं समोर आलं होतं. हा एक प्रकारे या बोगद्याचा एक नवा रेकॉर्डच आहे. याच वर्षी ऑक्टोबर महिन्यात पंतप्रधान नरेंद्र मोदी यांच्या हस्ते या बोगद्याचं उद्घाटन करण्यात आलं होतं.
