नवी दिल्ली: भारताचा माजी कर्णधार महेंद्र सिंह धोनी सोबत आंतरराष्ट्रीय क्रिकेटमधून १५ ऑगस्ट रोजी निवृत्ती घेणारा टीम इंडियाचा अनुभवी फलंदाज पुन्हा एकदा मैदानावर परतणार आहे. जानेवारी महिन्यात होणाऱ्या ( ) स्पर्धेत युवराज सिंग प्रमाणे सुरेश रैना देखील खेळताना दिसणार आहे. वाचा- भारताच्या मधळ्या फळीतील अनुभवी फलंदाज सुरेश रैनाने १५ ऑगस्ट रोजी धोनीसोबत निवृत्तीची घोषणा केली होती. त्यानंतर तो आयपीएलचा १३वा हंगाम देखील खेळला नाही. आता तो देशांतर्गत क्रिकेट खेळणार आहे. रैनाने उत्तर प्रदेश संघाकडून मुश्ताक अली टी-२० स्पर्धा खेळणार असल्याचे सोशल मीडियावरून जाहीर केले. वाचा- ऑगस्ट महिन्यात आंतरराष्ट्रीय क्रिकेटमधून निवृत्ती घेणाऱ्या रैनाने आयपीएल आणि देशांतर्गत क्रिकेट खेळणार असल्याचे सांगितले होते. या वर्षीय कौटुंबिक कारणांमुळे रैना आयपीएलमध्ये खेळू शकला नाही. आता तो उत्तर प्रदेशकडून मैदानात उतरणार आहे. वाचा- रैनाने ट्विटवर एक फोटो शेअर केला आहे. यात तो नेट्समध्ये सराव करत असल्याचे दिसते. बीसीसीआयने करोना व्हायरसमुळे मुश्ताक अली ट्रॉफी २०२१ पर्यंत स्थगित केली होती. आता ही स्पर्धा १० ते १३ जानेवारी दरम्यान सहा शहरांमध्ये आयोजित केली जाणार आहे. मुश्ताक अली ट्रॉफी स्पर्धेत रैना सोबत भारतीय संघाकडून खेळलेला सिक्सर किंग युवराज सिंग देखील या स्पर्धेत खेळणार आहे. युवीने देखील आंतरराष्ट्रीय क्रिकेटमधून निवृत्ती घेतली होती. पण तो आता पुन्हा देशांतर्गत क्रिकेट खेळताना दिसेल. या वर्षी युएईमध्ये झालेल्या आयपीएल स्पर्धेत सुरेश रैना न खेळल्यामुळे बराच वाद झाला होता. रैना चेन्नई सुपर किंग्ज संघासोबत युएईमध्ये पोहोचला होता. पण कौटुंबीक कारणामुळे स्पर्धा सुरू होण्यापूर्वी तो भारतात परतला. त्याच्या परत येण्यावर बरीच चर्चा झाली.
