नवी दिल्ली : भविष्य निर्वाह निधीवर (EPF) २०१९-२० या वर्षासाठी जाहीर केलेल्या व्याजाचा मोबदला पीएफ सभासदांच्या खात्यात जमा करण्याची कार्यवाही सुरू झाली आहे. या महिन्याच्या पहिल्या आठवड्यात 'पीएफ'वरील व्याज सभासदांच्या खात्यात जमा करण्याची प्रक्रिया सुरु झाली आहे. मात्र तीन आठवडे उलटले तरी अजूनही काहींना पीफ व्याज मिळालेले नाही. असे सभासद याबाबत तक्रार करु शकतात. आपल्या पीएफ खात्यात पीएफ जमा झाला आहे की नाही याची खातरजमा पीएफ सभासदांना वेगवेगळ्या पर्यायांमधून करता येणार आहे. त्यानंतर जर व्याज मिळाले नसेल तर सभासदांना तक्रार करता येणार आहे. भविष्य निर्वाह निधी संघटनेनं () ऑनलाइन तक्रार करण्याची सुविधा उपल्बध केली आहे. पीएफ काढणे, EPFO अकाउंट ट्रान्सफर करणे, वैयक्तिक ओळखपत्र, तसेच पीएफ संदर्भात कोणतीही तक्रार असल्यास Grevens Management System मधून पीएफ सभासदांना तक्रार करता येईल. त्याशिवाय @socialepfo या ट्विटर हँडलवर देखील सभासदांना तक्रार करता येईल. अशी करा ऑनलाईन तक्रार - सर्वप्रथम या लिंकवर https://epfigms.gov.in/ (epfigms.gov.in) जा. - त्यानंतर Register Grievance वर क्लिक करा. - त्यानंतर एक नवीन वेबपेज समोर येईल. ज्यात तुम्हाला स्टेटस निवडावा लागेल. यात पीएफ मेंबर, ईपीएस पेंशनर , एम्प्लॉयर किंवा अन्यमधून कोणतातरी एक पर्याय निवडावा लागेल. जर तुमच्याकडे यूएएन किंवा पेंशन ऑर्डर नसेल तर तुम्ही इतर पर्यायाची निवड करू शकता. - प्राॅव्हिडंड फंडच्या संदर्भात तक्रार करण्यासाठी तुम्ही स्टेटस निवडता येईल. त्यानंतर तुमचा यूएएन आणि सिक्युरिटी कोड सादर करून Get Details क्लिक करावे. - त्यानंतर तुमचा तपशील सादर करावा लागेल. ओटीपीसाठी क्लिक केल्यानंतर नोंदणी केलेल्या मोबाईल क्रमांकावर ओटीपी येईल. - ओटीपी सादर केल्यानंतर तुमच्या तपशीलाची छाननी होईल आणि तुमची वैयक्तिक माहिती तुम्हाला सादर करावी लागेल. - वैयक्तिक माहिती सादर केल्यांनतर तुम्हाला पीएफ खाते क्रमांकाची निवड करावी लागेल ज्याबाबत तुम्हाला तक्रार करायची आहे. - त्यानंतर एक नवीन पेज समोर येईल ज्यात तुम्हाला तक्रार कशाशी संबंधित आहे त्याची माहिती द्यावी लागेल. - तक्रार कोणत्या स्वरुपाची आहे याची निवड केल्यानंतर तेथे आवश्यक माहिती सादर करावी. तुमच्याकडे काही पुरावा असेल तो सादर करावा. - एकदा तुमची तक्रार नोंद करून झाली की Add वर क्लिक करून सबमिट करावे. - यानंतर तुमची ऑनलाइन तक्राराची नोंद होईल आणि तक्रारीचा नोंदणी क्रमांक रजिस्टर्ड मोबाईल नंबर आणि ई-मेल आयडीवर प्राप्त होईल. - तक्रारीची दखल घेतली कि नाही याची माहिती देखील याच वेबसाईटवरून घेता येईल. ज्यात View Status मध्ये तक्रार नोंदणी क्रमांक टाकून माहिती मिळेल.
