मुंगेर: बिहारच्या जिल्ह्यात भाजपच्या प्रदेश प्रवक्त्याला दिवसाढवळ्या गोळ्या घातल्या. त्यानंतर आरोपी तेथून पसार झाले. असे या नेत्याचे नाव आहे. त्यांची प्रकृती गंभीर असल्याचे सांगण्यात येत आहे. या घटनेमुळे राज्यात खळबळ माजली आहे. मुंगेरच्या इवनिंग कॉलेजजवळ दबा धरून बसलेल्या मारेकऱ्यांनी भाजपचे प्रदेश प्रवक्त अजफर शम्सी यांच्यावर गोळ्या झाडल्या. आज सकाळी साडेअकराच्या सुमारास ही घटना घडली. शम्सी यांना एक गोळी लागली आहे. ते गंभीर जखमी झाले आहेत. शम्सी यांच्या गोळीबार करण्यात आला त्यावेळी पाटणा येथील भाजपच्या मुख्यालयात एक कार्यक्रम सुरू होता. घटनेची माहिती मिळताच, भाजपचे प्रदेश अध्यक्ष डॉ. संजय जयसवाल यांनी बिहारचे डीजीपी एस. के. सिंघल यांच्याशी चर्चा केली. आरोपींना अटक करण्यात यावे, अशी मागणी त्यांनी केली. शम्सी हे मुंगेरच्या जमालपूर कॉलेजमध्ये प्राध्यापक आहेत. ते आपल्या कारमधून कॉलेजला जात होते. ते कॉलेजच्या गेटवर पोहोचले आणि त्यांनी चालकाला कार पार्क करण्यास सांगितले. चालक कार पार्क करत असतानाच, दोनदा गोळीबार झाल्याचा आवाज आला. त्यामुळे कॉलेजमधील विद्यार्थ्यांची पळापळ सुरू झाली. एक गोळी लागल्याने शम्सी हे जमिनीवर कोसळले होते. शम्सी हे गंभीर जखमी झाले आहेत. त्यांची प्रकृती चिंताजनक असल्याचे सांगण्यात येत आहे. या हल्ल्यामागील कारण अद्याप स्पष्ट झाले नाही. पोलिसांनी तपास सुरू केला आहे.
