मुंबई : अंमली पदार्थविरोधी मोहिमांचा धडाका सुरू असल्याने 'नारकॉटिक्स कंट्रोल ब्युरो'चा () मुंबई विभाग सध्या चांगलाच चर्चेत आहे. 'एनसीबी'ला यासाठी आवश्यक असलेल्या न्यायवैद्यक तपासणीला इस्रायली 'टच' आहे. खास इस्रायलहून प्रशिक्षण घेतलेले निवृत्त सहाय्यक पोलिस आयुक्त मकरंद वाघ हे त्यासाठी मदत करीत आहेत. मकरंद वाघ यांचा सर्व प्रकारच्या गुन्ह्यांचा डिजिटल पद्धतीचा तपास करण्यात हातखंडा आहे. यासाठी त्यांनी इस्रायलच्या ''सारख्या संस्थेकडून तेथे जाऊन विशेष प्रशिक्षण घेतले आहे. या प्रशिक्षणाचा गुन्ह्याच्या तपासासाठी उच्चस्तरावर लाभ मिळावा यासाठी, त्यांनी स्वेच्छानिवृत्ती घेतली व स्वत:च्या 'मॅकान्स इन्फोटेक' व मॅकान्स सायबर क्लिनिक या कंपन्या सुरू केल्या. आता या कंपनीअंतर्गतच ते एनसीबीसह ईडी, सीबीआय तसेच मुंबई पोलिसांच्या आर्थिक गुन्हे विभागाला आगळी अशी मदत करीत आहेत. वाघ यांच्या दिमतीला २० न्यायवैद्यक तज्ज्ञांचा चमू आहे. हे सर्व जण सरकारच्या न्यायवैद्यक प्रयोगशाळेतून निवृत्त झालेले आहेत. त्यांच्यामार्फत ते प्रामुख्याने आरोपीचा मोबाइल, लॅपटॉप क्रॅक करणे, त्यातील पुसण्यात आलेली (डिलिट) माहिती बाहेर काढणे, विविध सामाजिक माध्यमांवरील त्याच्या खात्याची, चॅटची पूर्ण माहिती काढणे आदी काम केले जाते. या कामासाठी वाघ यांच्या कंपनीने खास इस्रायलहून विशेष उपकरणे आयात केली आहेत. 'मॅकान्स इन्फोटेक'ने अभिनेता सुशांतसिंह राजपूत प्रकरणात तपास संस्थांना माहिती मिळवून देण्याचे काम केले होते. १२० मोबाइल हॅण्डसेट व लॅपटॉपमधील डिलिट झालेली माहिती त्यांनी मिळवली. काही माहिती घेण्यासाठी ११-११ तासांचा अवधी लागला. 'अशाप्रकारे माहिती काढण्यासाठी त्याबाबत कायद्याची माहिती हवी, उपकरणांना परवाना हवा व न्यायालयात सिद्ध होईल असा तपास करणे, हे महत्त्वाचे असते. यासाठी आम्ही निवृत्त न्यायवैद्यक सरकारी अधिकाऱ्यांनाच सोबत घेतले आहे,' असे वाघ यांनी 'महाराष्ट्र टाइम्स'ला सांगितले. केवळ सुशांतसिंह राजपूत प्रकरणच नाही तर अशाप्रकारच्या अनेक प्रकरणांत न्यायवैद्यक सहकार्याची गरज असतेच. यामुळेच जेव्हा-जेव्हा गरज भासेल 'एनसीबी'कडून 'मॅकान्स इन्फोटेक'ची मदत घेतली जाते. त्यांनी मिळवलेल्या माहितीचा आजवर बराच उपयोग झाला आहे.ॉ - , विभागीय (झोनल) संचालक-एनसीबी डिजिटल व सामाजिक माध्यमांच्या युगामुळे प्रत्येक गुन्ह्यात मोबाइल किंवा लॅपटॉपचा समावेश असतोच. त्यामुळे आता आरोपीला थर्ड डिग्री देऊन कबुली जबाब घेणे जवळपास संपले आहे. डिजिटल न्यायवैद्यक प्रयोगशाळेत गुन्हेगार किंवा आरोपीची संपूर्ण माहिती बाहेर येते व ती न्यायालयात सिद्धदेखील होते. - मकरंद वाघ, सहसंस्थापक, 'मॅकान्स इन्फोटेक'
