मुंबई: क्रिकेटच्या मैदानावर अनेक विक्रम झाले आणि ते मोडले देखील गेले. गोलंदाजांनी फलंदाजांचा समाचार घेतला तर अनेक फलंदाजांनी धावा वरून विक्रम केले. क्रिकेटच्या जगतात अनेक महान खेळाडू झाले आणि भविष्यात देखील होती. पण एक असा खेळाडू आहे ज्याच्या समोर सर्वजण नतमस्तक होतात. हा खेळाडू म्हणजे सर डोनाल्ड ब्रॅडमन () होय. वाचा- ब्रॅडमन यांच्या नावावर अनेक विक्रम आहेत. २७ ऑगस्ट १९०८ रोजी ऑस्ट्रेलियातील न्यू साउथ वेल्स येथे जन्मलेल्या या महान खेळाडूने क्रिकेटमध्ये अशी उंची गाठली जी अन्य कोणालाही गाठता आली नाही. ब्रॅडमन यांच्यानंतर अनेक खेळाडू झाले ज्यांनी धावांच्या बाबत, शतकांच्या बाबत किंवा अन्य गोष्टीत त्यांचे विक्रम मागे टाकले. पण ब्रॅडमन यांनी मिळवलेला मान आणि सन्मान कोणालाच मिळाला नाही. कसोटी क्रिकेटमध्ये ब्रॅडमन यांची सरासरी ९९.९४ इतकी आहे. या सरासरीच्या जवळपास देखील कोणी पोहचू शकले नाही. आज या महान क्रिकेटपटूचे पुण्यतिथी आहे. २००१ साली आजच्या दिवशी दक्षिण ऑस्ट्रेलियातील केनसिंग्टन पार्क येथे ९२व्या वर्षी निमोनियामुळे त्यांचे निधन झाले. वाचा- ब्रॅडमन यांनी कसोटीत ९९.९४च्या सरासरीने धावा केल्या हा विक्रम तर सर्वांना माहिती आहे. पण शेफील्ड शील्ड स्पर्धेत त्यांची सरासरी ११० इतकी आहे. दक्षिण आफ्रिकेविरुद्ध २०१ ची सरासरी आणि ७ प्रथम श्रेणीतील त्रिशतके (एकदा २९९ नाबाद), ६१८ चौकार आणि फक्त ६ षटकार तर ६.६६ डावानंतर एक द्विशतकाची सरासरी हे त्याचे रेकॉर्ड आहे. कसोटी करिअरमध्ये ब्रॅडमन यांनी ५२ सामन्यात २९ शतक, १३ अर्धशतक आणि दोन विकेट घेतल्या आहेत. तर प्रथम श्रेणीतील २३४ सामन्यातील ३३८ डावात २८ हजार ०६७ धावा केल्या आहेत. नाबाद ४५२ ही त्यांची सर्वोच्च खेळी आहे.
